Fana: At a Speed of Life!

በብሪታንያ ዛሬም ድረስ ሰባት ሺህ ሰዎች ነጭና ጥቁሩን ቴሌቪዥን ይመለከታሉ

አዲስ አበባ፣ ጥቅምት 30፣ 2011 (ኤፍ.ቢ.ሲ) በብሪታንያ ዛሬም ድረስ ሰባት ሺህ የሚጠጉ ተመልካቾች በቤቶቻቸው ጥቁሩንና ነጩን ወይንም “ብላክ ኤንድ ዋይት” ቴሌቪዥን እንደሚመለከቱ በሀገሪቱ የሚገኘው የቴሌቪዥን ፈቃድ ሰጪ ተቋም አስታወቀ፡፡

ባለቀለሙ ቴሌቪዥን የዓለምን ገበያ ከተቆጣጠረ ግማሽ ምዕተ ዓመት ማለፉ የሚታወስ ነው፡፡

ሆኖም 7 ሺህ 162 የሚሆኑት ብሪታናውያን ነጭና ጥቁሩን ቴሌቪዥናቸውን ወደ ባለቀለሙ ሳይቀይሩ መመልከት መቀጠላቸው ተነግሯል፡፡

ከብሪታንያ ከተሞች መካከልም በለንደን 1 ሺህ 768፣ በዌስት ሚድላንድ 431 እና በማንቸስተር 390 ግለሰቦች ነጭና ጥቁሩን ቴሌቪዥን ይመለከታሉ ተብሏል፡፡

የፈቃድ ሰጪው ተቋም ቃልአቀባይ የሆኑት ጄሰን ሂል በሀገሪቱ ከሚገኙ ቴሌቪዥኖች ግማሾቹ ከኢንተርኔት ጋር መገናኘታቸውን አስታውሰው፡፡

ሰባት ሺዎቹ ግለሰቦች ዛሬም ድረስ የሚወዱዋቸውን የቴሌቪዥን ፕሮግራሞች በነጭና ጥቁር ቴሌቪዥን መመልከታቸው ነገሩን አስገራሚ ያደርገዋል ብለዋል፡፡

በብሪታንያ ከ18 ዓመታት በፊት ፍቃድ ያላቸው ነጭና ጥቁር ቴሌቪዥኖች ቁጥር 212 ሺህ እንደነበረ መረጃዎች ያመለክታሉ፡፡

 

ምንጭ፦ስካይ ኒውስ

በአብርሃም ፈቀደ

You might also like
Comments
Loading...