Fana: At a Speed of Life!

በማንበብ ላይ የነበረውን መጽሐፍ አጨራረስ የነገረውን ሰው በስለት የወጋው ግለሰብ

አዲስ አበባ፣ ጥቅምት 23፣ 2011 (ኤፍቢሲ) ዓለም ላይ የተለያዩ ክስተቶች በተለያዩ ወቅቶች ይሰማሉ ሁሉም ታዲያ መልካቸው ለየቅል ነው፡፡

አንዳንዶቹ እንግዳ ከመሆናቸው አንጻር እንዴ ብለው እጅን አፍ ላይ የሚያስጭኑ ሆነው ይገኛሉ፡፡

በሩስያ የተሰማው ነገርም ፍጹም ግርምትን የሚያጭር እንግዳ ነገር ነው ተብሏል፤ ነገሩ እንዲህ ነው፡፡

በሃምሳዎቹ ዕድሜ ላይ የሚገኙት ሰርጌይ ሳቪቲስክይ እና ኦሌግ ቤሎግዞቨ ለብቻው ተገልሎ በሚገኘው አርክቲክት ቤሊግሻውሰን የምርምር ማዕከል ውስጥ ለአራት ዓመታት አብረው በመስራት ላይ የነበሩ ጓደኛማቾች ናቸው፤ እሱ ብቻ አይደለም ትውውቃቸው ከኮሌጅ ጀምሮ መሆኑም ተገልጿል፡፡

ሀኖም ሰርጌይ ስለት በማንሳት የረዥም ጊዜ ጓደኛውን ደረት ያለምንም ማመንታት መውጋቱ ተነግሯል፡፡

ነገሩ የሚጀምረውም እዚህ ጋር ነው፡፡ ሰርጌይ አንድ መጽሐፍ እጁ ላይ ይዞ በማንበብ ላይ ነበር፤ በዚህ ጊዜ ታዲያ ኦሌግ ሰርጌይ ያላገባደደውን መጽሐፍ የመጨረሻውን ታሪክ በተቀመጠበት ይነግረዋል፡፡

እያገባደደ የነበረውን ታሪክ አጨራረስ እንግዲህ ይውጣልህ ተብሎ በጓደኛው የተነገረው ሰርጌይም ነገሩ በፍጹም አልዋጥልህ ብሎት ስለት በማንሳት የጓደኛውን ደረት ሊወጋው ችሏል፡፡

የምርምር ማዕከሉ ሰራተኞች ኦሌግን ተረባርበው ወደ ሖስፒታል በመውሰድ ነፍሱን ሊታደጉ ችለዋል፤ ሆኖም ልቡ ላይ ጠንከር ያለ ጉዳት እንዳጋጠመው ተገልጿል፡፡

ሰርጌይም ወደ ሴንትፒተርስበርግ በመመለስ ለፖሊስ እጁን የሰጠ ሲሆን፥ ፖሊስም በነፍስ ማጥፋት ወንጀል ክስ መስርቶበት በቤት ውስጥ እስር ላይ ይገኛል ተብሏል፡፡

በርግጥ ሰርጌ ነገሩን አቅዶ ያለመፈጸሙንና ድንገተኛ አጋጣሚ ስለመሆኑም ለመርማሪዎቹ ገልጿል፡፡

ምንጭ፦ኦዲቲይ

በአብርሃም ፈቀደ

You might also like
Comments
Loading...