Fana: At a Speed of Life!

በሊቢያ ሊካሄድ የታሰበው ምርጫ መዘግየት የለበትም – በተመድ የሊቢያ ልዩ መልዕክተኛ

አዲስ አበባ፣ ጥቅምት 30፣ 2011 (ኤፍ.ቢ.ሲ) በሊቢያ ሊካሄድ የታሰበው ምርጫ ከፈረንጆቹ የ2019 አዲስ ዓመት ቀድሞ መካሄድ እንዳለበት በተመድ የሊቢያ ልዩ መልዕክተኛ ግሃሳን ሳለሜ ተናግረዋል።

የሀገሪቱ ተፃራሪ ሃይሎች ባሳለፍነው ግንቦት ወር በፓሪስ ባደረጉት ስምምነት መሰረት በፈረንጆቹ ታህሳስ 10 ምርጫ ለማካሄድ ስምምነት ላይ መድረሳቸውን እስታውሰዋል።

ይሁን እንጂ ይህንን ምርጫ በፈረንጆቹ ታህሳስ 10 ለማካሄድ የታሰበ ቢሆንም፥ አሁን ላይ ካለው ነባራዊ ሁኔታ አንጻር ለማካሄድ የማይቻል መሆኑን መረጃዎች መውጣታቸውን ነው የሚናገሩት።

በሀገሪቱ የታጠቁ ሃይሎች ላይ ገደብ ካልተጣለ እና ለህዝብ ይሁንታ ቅድሚያ ካልተሰጠው በስተቀር ምርጫው እንከን ሊገጥመው እንደሚችል የተናገሩት ልዩ መልዕክተኛው የሀገሪቱ ህዝብ 80 በመቶ ያህል ምርጫው መካሄድ እንዳለበት ፍላጎት ያለው መሆኑንም አስረድተዋል።

በትሪፖሊ እና በሀገሪቱ ምስራቃዊ ክፍል የህዝብ ተወካዮች ያሏቸው ሁለት ተፃራሪ ሃይሎች የምርጫውን መራዘም የሚፈልጉ መሆኑን ጠቁመዋል።

እነዚህ ሁለት ተወዳዳሪ ሃይሎች የየራሳቸው ማዕከላዊ ባንክ እና ብሄራዊ የነዳጅ ኩባንያዎች ያሏቸው ሲሆኑ፥ የሀገሪቱን ምርጫ በማራዘም በህዝብ ስም የራሳቸውን ጥቅም ለማስከበር የቆሙ መሆናቸውንም ነው ያስገነዘቡት።

በሀገሪቱ ሰላም እና መረጋጋት በማስፈን ህዝቡ የተራጋጋ ኑሮ እንዲመራ ለማድረግ በጦርነት በምትታመሰው ሊቢያ ከፈረንጆቾ አዲስ ዓመት በፊት ምርጫ መካሄድ እንዳለበት ገልጸዋል።

የቀድሞው የሊቢያ ፕሬዚዳንት ሙሀመድ ጋዳፊ ከስልጣን ከተገለሰሱ በኋላ ሀገሪቱ በጎሳ እና በቋንቋ የተከፈፈለች እና በሀገሪቱ እውን ለማድረግ የታሰበው ዴሞክራደሲ ሽግግር አደጋ ላይ መውደቁን ዘገባው ያመላከታል።

ምንጭ፦ aljazeera.com

You might also like
Comments
Loading...