Fana: At a Speed of Life!

ሴሌሜ ሴሌሜ በሚለው ሙዚቃ የሚታወቀው አርቲስት አቡሎ ጥሞሮ ከዚህ ዓለም በሞት ተለየ

አዲስ አበባ፣ ህዳር 17፣ 2011 (ኤፍ.ቢ.ሲ) ሴሌሜ ሴሌሜ በሚለው ሙዚቃ የሚታወቀው አርቲስት አቡሎ ጥሞሮ ከዚህ ዓለም በሞት ተለየ።

አርቲስት አቡሎ ጥሞሮ በሀዲይኛ ቋንቋ በርካታ ዜማዎችን ከ40 ዓመታት በላይ ተጫውቷል።

በተለይም አርቲስቱ በህዝብ ዘንድ በርካታ እውቅና ያስገኙለት ዜማዎች ለአድናቂዎቹ አድርሷል።

ከእነዚህ ዜማዎች መካከልም “ሴሌሜ ሴሌሜ ቦያ  ሴሌሜ” የሚሰኘው ዜማ ከሀዲይኛ ቋንቋው ተናጋሪዎች ውጭ እውቅና አስገኝቶለታል።

አርቲስት አቡሎ ጥሞሮ ለሙዚቃ ያለው ፍቅር ከፍተኛ በመሆኑ በተወለደበት ሀዲያ ዞን ዱና ወረዳ ዓ.ም በ11 ዓመቱ ሙዚቃ መጫወት መጀመሩ ይነገራል።

በሙዚቃ ሙያው ከ40 ዓመት በላይ የተለያዩ ዜማዎችን በሀዲይኛ ቋንቋ ተጫውቷል።

አርቲስት አቡሎ ጥሞሮ በቅርቡ በጤናው ላይ በገጠመው እክል በህክምና ሲረዳ ቆይቶ ትላንትና ምሽት በ56 ዓመቱ ከዚህ ዓለም በሞት ተለይቷል።

ከሀዲያ ዞን መንግስት ኮሚኒኬሽን ጉዳዮች ቢሮ ያገኝነው መረጃ እንዳመለከተው አርቲስት አቡሎ ጥሞሮ ባለትዳርና የ5 ልጆች አባት ነበር።

ፋና ብሮድካስቲንግ ኮርፖሬትም ለአድናቂዎችና ለመላው ቤተሰቦቹ መጽናናትን ይመኛል።

በበላይ ተስፋዬ

You might also like
Comments
Loading...