Fana: At a Speed of Life!

ሱዳንና ቬትናም በተለያዩ ጉዳዮዮች ላይ በጋራ ለመስራት ተስማሙ

አዲስ አበባ፣ጥቅምት30፣21011 (ኤፍ ቢ ሲ) ሱዳን እና ቬትናም በተለያዩ ጉዳዮች ዙሪያ በጋራ ለመስራት የሚያስችል ስምምነት መፈፀማቸው ተገለፀ።

ሀገራቱ በተለያዩ ጉዳዮች ላይ በትብብር ለመስራት ስምምነት መፈጸማቸውን  የሱዳኑ ፕሬዚዳንት ረዳት ፋይሳል ኢብራሄም አስታውቀዋል።

ፋይሳል ኢብራሄም  ከባለፈው ዕረቡ ጀምሮ በቬትናም ጉብኝት ላይ ሲሆኑ፥በቆይታቸውም ከቬትናሙ የግብርናና የገጠር ልማት ሚኒስትር ንጉይን ዡዋን ጋር ሰፊ ውይይት አድርገዋል።

በዚህ ወቅትም  ቬትናም  በሩዝ ምርት ፣በደን ልማት እና በአሳ ማስገር ስራ ላይ ያላትን ውጤታማ ተሞክሮ ለሱዳን  ማሸጋገር በሚቻልበት ሁኔታ ላይ መወያየታቸው ነው የተገለፀው።

በተጨማሪም ሱዳን  ሀገራቱ በእነዚህ ዘርፎች ላይ ያላቸውን ትስስት ለማሳደግ እና ለማጠናከር የሚያስችል የቴክኖሎጂና መሰል ስልጠናዎች ከቬትናም ማግኘት የምትፈልግ መሆኑን ፈይሰል ኢብራሄም ጠይቀዋል።

የቬትናሙ የግብርናና  የገጠር ልማት ሚኒስትር በበኩላቸው ፥መንግስት ከሱዳን  ጋር ያለውን የሁለትዮሽ ግንኙነት ለማጠናከር ከመቼውም ጊዜ በበለጠ ዝግጁና ፍቃደኛ መሆኑን ተናግረዋል።

ስለሆነም ቬትናም በግብርናው ዘርፍ ያላትን የካበተ ልምድ በመጠቀም በምስራቅ አፍሪካዊቷ ሀገር ሱዳን ላይ ዘርፈ ብዙ የልማት ስራዎችን ለማከናወን ቁርጠኛ መሆኗን ገልፀዋል።

በመጨረሻም ባለስልጣናቱ የሁለቱን ሀገር ሕዝቦች ጥቅምና ፍላጎት በሚያስጠብቅ መልኩ እና በተለያዩ ጉዳዮች ላይ በጋራ በመስራት ዘላቂ የሆነ ግንኙነት ለመመስረት የሚያስችል ስምምነት አድርገዋል።

ምንጭ፦sudantribune.com

You might also like
Comments
Loading...