Fana: At a Speed of Life!

ሰሜን ኮሪያ ከአሜሪካ ጋር ልታካሂደው የነበረው ውይይት ለሌላ ጊዜ መራዘሙ ተገለጸ

አዲስ አበባ፣ ጥቅምት 30፣ 2011 (ኤፍ.ቢሲ) ሰሜን ኮሪያ ከአሜሪካ ጋር ልታካሂደው የነበረውን ውይይት ለሌላ ጊዜ መራዘሙ ተገልጿል።

በተባበሩት መንግስታት ድርጅት የአሜሪካ አምባሳደር ኒኪ ሃሌይ ፒያንግያንግ ከአሜሪካ ጋር ባሳለፍነው የፈረንጆቹ ሰኔ ወር የተስማማችባቸውን ስምምነቶች በፍጥነት ተግባራዊ ማድረግ እንደሚጠበቅባት አሳስበዋል።

በሁለቱ ሀገራት ሰሞኑን በዋሽንግተን ሊካሄድ የነበረው ውይይት ለሌላ ጊዚ መራዘሙንም ነው የተናገሩት።

ፒያንግያንግ ስምምነቱን ተግባራዊ ለማድረግ እየተንቀሳቀሰች መሆኑን የጠቆሙት አምባሳደሯ ስምምነቶች እስከያዝነው የፈረንጆቹ ዓመት መጨረሻ መጠናቀቅ አለባቸው ብለዋል።

በዚህ ሳምንት የተባበሩት መንግስታት ድርጅት የጸጥታው ምክር ቤት በሰሜን ኮሪያ ማዕቀብ ጉዳይ ላይ ውይይት ማድረጉ ተገልጿል።

በዚህ ስብሰባ ላይ የሰሜን ኮሪያን የማዕቀብ ጉዳይ ከሚከታተለው 15 ዓባላት ካሉት የፀጥታው ምክርቤት ኮሚቴ ቻይና እና ሩሲያ ሰሜን ኮሪያ የልሳነ ምድሩን ከኒውክሌር ፕሮግራም ነጻ ለማድረግ እያደረገች ያለውን አዎንታዊ እንቅስቃሴ ተክትሎ ማሻሻያ መደረግ እንዳለበት ሀሳባቸውን ማቅረባቸው ታውቋል።

ይሁን እንጂ አሜሪካ እና ሌሎች ምዕራባዊያን አሀገሪቱ ከኒውክሌር ፕሮግራም ሙሉ በሙሉ ነጻ እስከምትሆን ድረስ ማዕቀቡ ቀጣይነት እንዲኖረው መደረግ ያለበት መሆኑን ሀሳብ ማቅረባቸው ነው የተገለጸው።

አምባሳደሯ ሩሲያ የእስያ ሀገራትን የኒውክሌር ፕሮግራም ለመቀልበስ ታሳቢ ተደረጎ ባንኮች ላይ የተጣለውን ገደብ እንዲነሳ ያላት ሀሳብ ላይ ትችት ማቅረባቸውም ተነግሯል።

የሁለቱ ሀገራት መሪዎች በስንጋፖር በሳለፍነው የፈረንጆቹ ሰኔ ወር የተፈራረሟቸው ስምምነቶች በታሰበው ፍጥነት እየተተገበሩ ያለመሆኑንም ገልጸዋል።

የውጭ ጉዳይ ሚነስትሩ ማይክ ፖምፒዮ ሃሙስ በኒውዮርክ የከሰሜን ኮሪያ ባለስልጠናት ጋር በጉዳዩ ዙሪያ ለመምከር ቀጠሮ ይዘው የነበረ ቢሆንም የአሜሪካ ስቴት ዲፓርትሜንቱ ውይይቱ ለሌላ ጊዜ መተላለፉን አስታውቋል።

ውይይቱ የተዘራመበት ምክንያት ዝርዝር መረጃ ያለመቅረቡ የተገለጸ ሲሆን፥ ውይይቱ ወደፊት እንደሚካሄድ የሚጠበቅ መሆኑን ነው ዘገባው የሚያመለክተው።

ምንጭ፦ reuters.com

You might also like
Comments
Loading...