Fana: At a Speed of Life!

ሞተዋል ተብለው የቀብር ስነ ስርዓት የተፈጸመላቸው ሰው ከ2 ወራት በኋላ ወደ ቤታቸው በህይወት ተመለሱ

አዲስ አበባ፣ ጥቅምት 29፣ 2011 (ኤፍ.ቢ.ሲ) ሞተዋል ተብለው የቀብር ስነ ስርዓት የተፈጸመላቸው ሰው ከ2 ወራት በኋላ ወደ ቤታቸው በህይወት ተመለሱ።

አይጋሊ ሱፑጋሌቭ የተባሉት የ63 ዓመት የካዛክህስታን አዛውንት የዛሬ 2 ወራት ገደማ ዘመድ አዝማድ በተገኘበት ስርዓተ ቀብራቸው መፈጸሙ ተገልጿል።

የአዛውንቱ ሞት በዲኤንኤ ምርመራም ተረጋግጦ የሞት ሰርትፊኬት የተዘጋጀላቸው መሆኑም ተነገሯል።

የቀብራቸውን ፕሮግራም ያዘጋጁት ወንድማቸው ለዚሁ ፕሮግራም ከፍተኛ ወጭ መውጣታቸውን ተናግረዋል።

ይሁን እንጂ ይህ ከሆነ ከ2 ወራት በኋላ ሞቱ ተብለው የተቀበሩት የ63 ያመቱ አዛውንት ወደ መኖሪያ ቀያቸው ጎራ ማለታቸው ነው የተገለጸው።

ይህ በእንዲህ እንዳለ ደስታ ይሉት ድንጋጤ ቤተሰቦቻቸው የአዛውንቱን ድንገት መከሰት ሲያዩ እራሳቸውን አየሳቱ ተዝለፍልፈው መውደቃቸውንም ነው ዘገባው የሚያመላክተው።

ባሳለፍነው የፈረንጆቹ ነሃሴ 9 የአዛውንቱ ቤተሰቦች ካዛክህስታን ቶማርልይ አካባቢ ሱፑጋሌቭ በወጡበት መቅረታቸውን ሪፖርት ያደርጋሉ።

አዛውንቱ ለቤተሰቦቻቸው የት እንደሚሄዱ ያለመናገራቸው የተገለጸ ሲሆን፥ በሁኔታው ግራ የተጋቡት ቤተሰቦቻቸው ፍለጋቸውን ሲቀጥሉ በአዛውኑ መኖሪያ አካባቢ አስከሬን መገኘቱ ተመላክቷል።

በዚህ አካባቢ የተገኘው አስከሬን የዋለ ያደረ ከመሆኑ የተነሳም በአይን ማንነቱን ለማረጋገጥ ያለመቻሉም ተነግሯል።

በዚህም የዲኤን ኤ መርመራ መደረጉ እና የምርመራ ውጤቱ 99 ነጥብ 29 በመቶ በማሳየቱ አስከሬኑ የአዛውንቱ መሆኑ ተረጋገጠ።

አዛውንቱ ራቅ ወደ አለ የእርሻ ቦታ ለቤተሰቦቻቸው ሳይናገሩ መሄዳቸውን አስረድተዋል።

ቤተሰቦቻቸውም በአዛውንቱ በህወት መገኘት ደስታቸውን እየገለጹ ሲሆን፥ የዲኤንኤ ምርመራው ውጤት እና በአካባቢው የተገኘው አስከሬን ሁኔታ እስካሁን ያልተፈታ ሚስጥር መሆኑን ዘገባው ያስረዳል።

ምንጭ፦ odditycentral.com

You might also like
Comments
Loading...