Fana: At a Speed of Life!

ምክር ቤቱ የስምንት ቋሚ ኮሚቴ ሰብሳቢዎችን ሲያፀድቅ የሁለቱን ውድቅ አደረገ

አዲስ አበባ ፣ ጥቅምት 30 ፣ 2011 (ኤፍ.ቢ.ሲ) የህዝብ ተወካዮች ምክር ቤት በአካሄደው ልዩ ስብሰባ የቋሚ ኮሚቴ አመራርና አባላት ምደባን በተመለከተ የቀረበውን የውሣኔ ሃሣብ ዳግም በመመርመር ማፅደቁ ተነገረ፡፡

ምክር ቤቱ ቋሚ ኮሚቴዎቹን እንዲመሩ በተመደቡ ሊቀመናብርት ላይ በተናጠል ድምጽ በመስጠት ነው  የውሳኔ ሃሳቡን ያፀደቀው፡፡

የስምንቱ እጩ ሊቀመናብርት ምደባ በአብላጫ ድምፅ ሲጸድቅ የሁለቱ ግን ውድቅ መሆኑ ተጠቁሟል፡፡

1.ወይዘሮ አበባ ዮሴፍ የሴቶችና ማህበራዊ ጉዳዮች ቋሚ ኮሚቴ- ሰብሳቢ

2.ወይዘሮ ፎዚያ አሚን ህግና ፍትህ ጉዳዮች ቋሚ ኮሚቴ-ሰብሳቢ

.አቶ መሐመድ የሱፍ የመንግስት ወጪ አስተዳደርርና ቁጥጥር ጉዳዮች ቋሚ ኮሚቴ-ሰብሳቢ

4.ወይዘሮ እምዬ ቢተው የሠው ሀብትና ቴክኖሎጂ ጉዳዮች ቋሚ ኮሚቴ- ሰብሳቢ

5.አቶ ጌታቸው መለስ ንግድና ኢንዱስትሪ ጉዳዮች ቋሚ ኮሚቴ-ሰብሳቢ

6.ወይዘሮ አልማዝ መሰለ የግብርናና አርብቶ አደር ጉዳዮች ቋሚ ኮሚቴ-ሰብሳቢ

7.ወይዘሮ ፈቲያ የሱፍ የተፈጥሮ ሀብት መስኖና ኢነርጂ ጉዳዮች ቋሚ ኮሚቴ-ሰብሳቢ

8.አቶ አሸናፊ ጋዕሚ የኮንስትራክሽን እና ትራንስፖርት ጉዳች ቋሚ ኮሚቴ-ሰብሳቢ በመሆን በምክር ቤቱ አባላት ተመርጠዋል፡፡

ሆኖም የውጭ ግንኙነትና የሠላም ጉዳዮች ቋሚ ኮሚቴ በሰብሳቢነት እንዲመሩ በእጩነት ቀርበው የነበሩት አቶ ሞቱማ መቃሳ  በ109 ድገፍ በ152 ተቃውሞ በ33 ተዓቅቦ  ሳይፀድቅ ቀርቷል፡፡

እንዲሁም ለገቢዎችና ፋይናንስ ጉደዮች ቋሚ ኮሚቴ በሰብሳቢነት እንዲመሩ በእጩነት ቀርበው የነበሩት አቶ አፅብሃ አረጋዊ በ102 ድጋፍ በ157 ተቀውሞ በ25 ተዓቅቦ በተመሳሳይ አንዳልተመረጡ የህዝብ ተወካዮች ምክር ቤት አስታቋል፡፡

You might also like
Comments
Loading...