Fana: At a Speed of Life!

ሚስቱን እራሷን እንድታጠፋ ያበረታታው ግለሰብ በ10 ዓመት ተቀጣ

አዲስ አበባ፣ ጥቅምት 23፣ 2011 (ኤፍቢሲ) አውስትራሊያዊው ግለሰብ ሚስቱን እራሷን እንድታጠፋ በማበረታታቱ ምክንያት በ10 ዓመት መቀጣቱ ተገለፀ፡፡

ጄኒፈር ሞራንት እራሷን ማጥፋቷ የተገለጸው ከአራት ዓመታት በፊት ሲሆን፥ የ68 ዓመቱ ግርሃም ሞራንት እራሷን በምን መልኩ ማጥፋት እንደምትችል እርዳታ አድርጓል ተብሎ ነው ቅጣቱ የተጣለበት፡፡

ግራሃም ሞራንት ሚስቱ እራሷን እንድታጠፋ ያበረታታት ከህይወት ዋስትና ኢንሹራንስ አንድ ሚሊየን የሚደርስ የአሜሪካ ዶላር ለመቀበል አልሞ መሆኑ ተገልጿል፡፡

የአውስትራሊያዊው ድርጊት አስገራሚ የሚያደርገው ሌላኛው ጉዳይ ደግሞ ከኢንሹራንስ የሚቀበለውን ብር ቤተመቅደስ ሊያቋቁምበት ማሰቡ ነው ተብሏል፡፡

ፍርድ ቤት ጥፋተኛነቱን ቢያረጋግጥም ግለሰቡ የእምነት ክህደት ቃሉን በሰጠበት ወቅት ሚስቱ ህይወቷን እንድታጠፋ ትብብር ያለማድረጉን ገልጿል፡፡

ሀኖም የቁሳቁስ ግዢ አብረው መፈጸማቸውንና ራሷን ባጠፋችበት አካባቢም “እባክህን ወደህይወት አትመልሰኝ” የሚል ጽሁፍ ትታ ማለፏንም ፍርድ ቤቱ ጠቅሷል፡፡

 

ምንጭ፦ቢቢሲ

በአብርሃም ፈቀደ

 

You might also like
Comments
Loading...