Fana: At a Speed of Life!

ለ7 ሚሊየን ህዝብ አገልግሎት መስጠት የሚያስችል ሆስፒታል በሶስቱ ሀገራት መሪዎች ተመረቀ

አዲስ አበባ፣ ህዳር 1፣ 2011 (ኤፍ.ቢ.ሲ) ለ 7 ሚሊየን ህዝብ አገልግሎት መስጠት የሚያስችል ሆስፒታል በጠቅላይ ሚኒስትር ዶክተር አብይ፣ ፕሬዚዳንት ኢሳያስና መሃመድ አብዱላሂ በባሕር ዳር ከተማ ተመረቀ።

ለባህርዳርና አካባቢዋ ህብረተሰብ ተጨማሪ አማራጭ ይሆናል ተብሎ የታመነበት ይህ ሆስፒታል የሶስቱ ሀገራት መሪዎችና በርካታ እንግዶች በተገኙበት ነው የተመረቀው።

‹‹ጥበበ ግዮን ስፔሻላይዝድ ሆስፒታል›› ተብሎ የተሰየመው ይህ ሆስፒታል 207 ሚሊየን ብር ወጪ ተደርጎበታል ተብሏል፡፡

በአማራ ክልል ጤና ጥበቃ ቢሮ ግንባታው የተጀመረው ይህ ሆስፒታል፥ ከጥቅምት 2005 ዓ.ም ጀምሮ ወደ ባሕር ዳር ዩኒቨርሲቲ መተላለፉን የዩኒቨርሲቲው ፕሬዚዳንት ዶክተር ፍሬው ተገኘ ገልጸዋል፡፡

በሙሉ አቅሙ ሥራ ሲጀምር በየቀኑ እስከ 2 ሺህ ህሙማንን የማስተናገድ አቅም ያለው ሲሆን፥ ከ5 መቶ በላይ አልጋዎች እና 11 የቀዶ ህክምና መስጫ ክፍሎች እንዳሉትም ታውቋል፡፡

የቀዶ ህክምና መሥጫ ክፍሎችን ወደ 15 ለማሳደግም ታቅዶ እየተሰራ መሆኑ ተገልጿል፡፡

ስፔሻላይዝድ ሆስፒታል ማሟላት ያለበትን መስፈርት ያሟሉ ክፍሎች እንዳሉትም መረጃዎች ይጠቁማሉ።

ለሆስፒታሉ 51 ስፔሻሊስት ዶክተሮች እንደሚመደቡለትም ተነግሯል፡፡

You might also like
Comments
Loading...