Fana: At a Speed of Life!

ለ126 ሰዓታት በመደነስ ክብረወሰን የያዘችው ወጣት

አዲስ አበባ፣ ህዳር 20፣ (ኤፍቢሲ) ኔፓላዊዋ ባንዳና የተባለችው ወጣት  ለ126 ሰዓታት በመደነስ ክብረወሰን መያዟ ተነገረ፡፡

በዚህም ለ126 ሰዓታት ያለ ምንም ማቋረጥ የሶሎ ዳንስ ትርዒት በማሳየቷ ስሟን በዓለም ድንቃድንቅ መዝገብ ውስጥ አስፍራለች።

የዳንስ ትርዒቱ የተካሄደው ካትማንዱ በሚገኝ የምግብ አዳራሽ ውስጥ ሲሆን፥ በስነ ስርዓቱም የዓለም ድንቃድንቅ መዝገብ ዳኞችን ጨምሮ የተለያዩ ተጋባዥ እንግዶች መታደማቸው ተገልጿል።

የ17 ዓመቷ ወጣት ባንዳና በዓለም ላይ ተይዞ የነበረውን የዳንስ ክብረ ወሰን ለመስበርም ከአርብ ዕለት እስከ ረቡዕ ከሰዓት ድረስ የዳንስ ትርኢት ማሳየቷ ነው የተገለፀው።

በዚህም በዓለም ተይዞ የነበረውን የዳንስ ክብረ ወሰን በሶስት ሰዓት በማሻሻል ስሟን በዓለም የድንቃድንቅ መዝገብ ውስጥ ማስፈር ችላለች።

ሁኔታውን የተከታተሉት ዳኞችም ላስመዘገበችው ክብረወሰን የተለያዩ ሽልማቶችን አበርክተውላታል።

የባንዳና ወላጅ አባት በበኩላቸው  ልጃቸው በዓለም ድንቃድንቅ መዝገብ ላይ ስሟን በማስፈሯ ከፍተኛ ኩራት እንደተሰማቸው ተናግረዋል።

የልጃቸው ድልም የእርሷን ስም ከድንቃድንቅ መዝገብ ከማስፈር ባለፈ ሀገራችን በዓለም አቀፍ መድረክ ላይ ያስተዋወቀችበት ነው ብለዋል። ከዚህ ቀደም ክብረ ወሰኑ በአውሮፓውያኑ 2011 በህንዳዊው ወጣት ሃምላታህ ተይዞ የነበረ ሲሆን፥የዳንስ ቆይታ ጊዜውም123 ሰዓታት ከ15 ደቂቃ እንደነበር ይታወሳል፡፡

ምንጭ፦upi.com

You might also like
Comments
Loading...