Fana: At a Speed of Life!

የፋና ብሮድካስቲንግ ኮርፖሬት ባልደረባ የነበሩት አቶ ሙሉቀን ብርሃኑ ከዚህ አለም በሞት ተለዩ

አዲስ አበባ ፣ ጥቅምት 1 ፣ 2011 (ኤፍ ቢ ሲ) በፋና ብሮድካስቲንግ ኮርፖሬት በሚዲያና ቴክኖሎጅ ጋዜጠኝነትና ኮሙዩኒኬሽን ስልጠና ማዕከል ምክትል ዳይሬክተር የነበሩት አቶ ሙሉቀን ብርሃኑ ከዚህ አለም በሞት ተለዩ።

ከህዳር 1994 ዓ.ም ጀምሮ ህይወታቸው እስካለፈበት መስከረም 30 ቀን 2011 ዓ.ም ድረስ በተቋሙ ውስጥ፥ በመሃንዲስነት፣ በከፍተኛ መሃንዲስነት፣ በዋና መሃንዲስነት፣ የኢንጅነሪንግ ፕሮጀክት ልማት ዳይሬክተርና በመጨረሻም በሚዲያና ቴክኖሎጅ ጋዜጠኝነትና ኮሙዩኒኬሽን ስልጠና ማዕከል ምክትል ዳይሬክተር በመሆን አገልግለዋል።

አቶ ሙሉቀን ብርሃኑ ባደረባቸው ድንገተኛ ህመም በቅዱስ ጳውሎስ ሆስፒታል በህክምና ሲረዱ ቆይተው፥ መስከረም 30 ቀን 2011 ዓ.ም ከዚህ አለም በሞት ተለይተዋል።

የቀብር ስነ ስርአታቸውም በበረከተ ገብርኤል ቤተክርስቲያን ተፈጽሟል።

አቶ ሙሉቀን ብርሃኑ ባለትዳርና የአንድ ወንድ እና ሴት ልጅ አባት ነበሩ።

የፋና ብሮድካስቲንግ ኮርፖሬት ማኔጅመንትና መላው ሰራተኞችም ለቤተሰቦቻቸውና ወዳጅ ዘመዶቻቸው የተሰማቸውን ጥልቅ ሃዘን በመግለጽ መጽናናትን ተመኝተዋል።

 

 

You might also like
Comments
Loading...