Fana: At a Speed of Life!

የዩኒቨርሲቲ ወጭ መጋራት ዕዳን ላለመክፈል ኑሮውን ጫካ ውስጥ ያደረገው ወጣት

አዲስ አበባ ፣ጥቅምት 21፣2011 (ኤፍ ቢ ሲ) አሜሪካዊው ወጣት ቻድ ሃግ የዩኒቨርሲቲ ወጭ መጋራት ዕዳውን ላለመክፈል ኑሮውን ጫካ ውስጥ ማድረጉ ተሰምቷል።

የሰው ልጆች በህይት ሲኖሩ የተለያዩ የፈተናዎችን እንደሚያሳልፉ ዕሙን ነው።እነዚህን በየጊዜው የሚያጋጥሙ የኑሮ ሳንካዎችን ተጋፍጦ ማለፍ ደግሞ ብልህነት ነው። ይህን የሚያደርጉ ሰዎችም በመጨረሻ ሊሳካላቸውና የተደላደለ ህይወትን የመኖር በዕድላቸው ሰፊ ነው።

ከዚህ በተቃራኒ በተለያየ ጊዜ የሚያጋጥሙ የኑሮ ተግዳሮቶችን ማሸነፍ የማይችሉ ሰዎች ደግሞ ኑሯቸው ከድጡ ወደ ማጡ ሲሆን ይስተዋላል።

የ29 ዓመቱ አሜሪካዊው ወጣት ቻድ ሃግም ዩኒቨርሲቲ ሲማር መንግስት ለትምህርትና ለተለያዩ ወጭዎች የከፈለለትን ዕዳ ላለመክፈል ፥ኑሮውን ህንድ ጫካ ውስጥ በምትገኝ ትንሽ ሰፈር ውስጥ ለማድረግ መወሰኑ አነጋጋሪ ሆኗል።

ወጣቱ ይህን ያደረገበት ምክንያትም ትምህርቱን ጨርሶ ከተመረቀ በኋላ፥በተማረበት የትምህርት ዘርፍ የስራ ዕድል ባለማግኘቱ ነው ተብሏል።

ቻድ ሃግ ከምረቃ በኋላ በመጀመሪያ ዲግሪ ጥሩ ስራ ለማግኝት በዙ ቢጥርም ሊሳካለት አልቻለም።ይህን ችግር ለማስወገድም የትምህርት ደረጃዉን ወደ ሁለተኛ ዲግሪ ለማሳደግ ወደ ትምህርት ቤት ለመመለሴ ሞክሯል። ነገር ግን አሁንም ሁኔታዎች እሱ እንዳሰቡት ሊሆኑለት አልቻሉም ።

በመቀጠልም በአንድ ድርጅት ውስጥ የመኪና ዕቃ ጫኝና አውራጅ በመሆን ተቀጠረ።ይሁን እንጂ በዚህ ስራ የሚያገኘው 300 ዶላር ወርሃዊ ክፍያ ለሴሚሰተር የተከፈለን 25,000 ዶላር ዕዳን በምንም መልኩ መክፈል እንደማይችል ያስባል።

በዚህም ከፈተኛ የሆነ ጭንቀት ውስጥ ይገባል፤ሀሳቡን ካወጣና ካወረደ በኋለም ሀገሩን ጥሎ ለመውጣት ወሰነ፣በውሳኔው መሰረትም  ሻንጣዉን ከሸከፈ በኋላ የአሜሪካ ኑሮውን ተሰናብቶ ህንድ ጫካ ውስጥ ወደ ምትገኝ ትንሽ መንደር አቅንቷል።

ኡቻካደ ተብላ በምትጠራው ትንሽ ሰፈር ኑሮውን ያደረገው ቻድ ሃግ ፥ በሰፈሯ ውስጥ ለመኖር በወር 50 ዶላር ብቻ እንደሚያወጣ ተናግሯል።

ወጣቱ  በአካባቢው ኑሮውን  ለማደላደልም የህንድ ዜግነት ያላትን የትዳር አቻውን ለማግባት በቅቷል።

ቻድ ሃግ ኑሮውን በዚህ አካባቢ በማድረጉም የወጭ መጋራት ዕዳውን ለመክፈል የሚያስችለው አንዳች ሀይል እንደሌለ በማሰብ  ሰላማዊ ህይወቱን እየመራ ይገኛል ።

ምንጭ፦odditycentral.com

 

You might also like
Comments
Loading...