Fana: At a Speed of Life!

የእስራኤል ነዋሪዎችና ወታደሮች በፍልስጤም ተማሪዎች ላይ ጉዳት አደረሱ

አዲስ አበባ፣ጥቅምት 01፣2011(ኤፍ ቢ ሲ)ዌስት ባንክ የሚገኙ የፍልስጤም 2ተኛ ደረጃ ተማሪዎች በታጠቁ የእስራኤል ነዋሪዎችና ወታደሮች ጥቃት ደረሰባቸው፡፡

ጥቃቱን የፈፀሙት 18 የጣጠቁ የእስራኤል ነዋሪዎች ኡሪፍ በምትባል መንደር የሚገኘዉን 2ተኛ ደረጃ ትምህርት ቤት ሰብረዉ በመግባት ነው ተብሏል፡፡

ታጣቂዎች ትምህርት ቤቱን ሰብረዉ ከገቡ በኋላ በተማሪዎች ላይ ጉዳት ያደረሱ ሲሆን ፥መማሪያ ክፍሎችና የመማሪያ ቁሳቁሶችን ማውደማቸው ተገልጿል::

ከክስተቱ የተወሰኑ ደቂቃዎች በኋላም የእስራኤል ወታደሮች ወደ ቦታው በመግባት ታጣቂዎች ቦታውን ለቀዉ እንዲወጡ ከማድረግ ይልቅ፥ በተማሪዎች ላይ ጥቃት እንዲፈፅሙ ከለላ ይሰጧቸው ነበር ተብሏል፡፡

ወታደሮቹ በተማሪዎች ላይ ተኩስ በመክፈትና በአስለቃሽ ጭስ በማፈን ብዙዎችን መጉዳታቸዉ ነው የተጠቀሰዉ፡፡

ይህንን ጥቃት ተከትሎም በመቶዎች የሚቆጠሩ ተማሪዎች ትምህርት ቡቱን ለቀው ወጥተዋል፡፡

በፈረንጆቹ 2017 የእስራኤል ነዋሪዎችና ወታደሮች፥በ 80,279 የፍልስጠጤም ህፃናት ተማሪዎች ላይ እና 4,929 መምህራን ላይ ጥቃት መፈፀማቸውን የሀገሪቱ ትምህርት ሚኒስቴር አስተውቋል፡፡

በተያያዘ ዜና እስራኤል ባለፈው መስከረም ወር ብቻ በዌስት ባንክ እና ጋዛ የሚገኙ 52 ህፃናትንና 10 እናቶችን ጨምር 378 የፍልጤም ዜጎችን አስራለች፡፡

ምንጭ፦ presstv.com

You might also like
Comments
Loading...