Fana: At a Speed of Life!

የኢትዮጵያ ብሄራዊ ቡድን ከኬንያ አቻው ጋር 0 ለ0 ተለያየ

አዲስ አበባ፣ መስከረም 30፣ 2011 (ኤፍ.ቢ.ሲ) በ2019 ካሜሮን በምታዘጋጀው የአፍሪካ ዋንጫ ላይ ለመሳተፍ የኢትዮጵያ ብሄራዊ ቡድን የኬንያ አቻውን የገጠመ ሲሆን 0 ለ 0 በሆነ ውጤት ጨዋታው ተጠናቋል፡፡

ሁለቱ ቡድኖች በባህርዳር ዓለም አቀፍ ስታዲየም 10፡00 ሰዓት ላይ የተገናኙ ሲሆን በሁለቱም አጋማሽ ቡድኖቹ ግብ ማስቆጠር አልቻሉም፡፡

ብሄራዊ ቡድኑ ባደረገው በዚህ ጨዋታ ቁጥሩ ከ80 ሺህ በላይ ተመልካች በስታዲየም ተገኝቶ ጨዋታውን ተከታትሏል፡፡

ብሄራዊ ቡድኑ ወደ ናይሮቢ በማቅናትም እሁድ ምሽት አንድ ሰዓት ላይ የኬንያ አቻውን ይገጥማል፡፡

የኢትዮጵያ ብሄራዊ ቡድን በምድብ ስድስት ከጋና፣ ከኬንያ እና ከሴራልዮን ብሄራዊ ቡድኖች ጋር መደልደሉ ይታወሳል፡፡

ከዚህ ቀደም ባደረጋቸው ሁለት ጨዋታዎች አክራ ላይ በጋና አቻው ሲሸነፍ በሀዋሳ ስታዲየም ደግሞ ሴራሊዮንን አሸንፏል፡፡

የኢትዮጵያ ብሔራዊ ቡድን ዋና አሰልጣኝ ኢንስትራክተር አብርሃም መብራቱ ስለቡድኑ ዝግጅት ማብራሪያ ሰጥተዋል፡፡

በዚህም ከሞላ ጎደል ጥሩ ዝግጅት ማደረጋቸውን የጠቀሱት ኢንስታራክተሩ ባለፈው ከሴራሊዮን ጋር ሲጫወቱ የተገበሩትን የአጨዋወት ስልት ይዘው እንደሚገቡ ገልጸዋል፡፡

ከኬንያ ጋር በሚደረገው ጨዋታ በኋይሉ አሰፋና ሰለሃዲን ባርጌቾ ከቡድኑ ጋር አሰለፉም ተብሏል፡፡

ኢንስታክተር አብርሃም ብሄራዊ ቡድኑ ባህርዳር ስታዲየም ላይ ጥሩ ታሪክ እንዳለው አንስተው በደጋፊው በመታጀብ የኬንያ አቻውን እንደሚያሸንፍ ገልጸዋል፡፡

በዚሁ ምድብ ጋናና እና ሴራሊዮን ጥቅምት አንድ እና ጥቅምት አራት የሚያደርጉት ጨዋታ በፊፋ ውሳኔ መሰረት መሰረዙንም ካፍ አስታውቋል፡፡

ይህ ጨዋታው ሊሰረዝ የበቃው በሴራሊዮን የእግር ኳስ ፌዴሬሽን ውስጥ የሀገሪቱ መንግስት ጣልቃ በመግባቱ መሆኑን ፊፋ ገልጿል፡፡

 

በአብርሃም ፈቀደ

You might also like
Comments
Loading...