Fana: At a Speed of Life!

የአፍሪካ ኢኖቬሽን ሳምንት በአዲስ አበባ ሊካሄድ ነው

አዲስ አበባ፣ጥቅምት 21፣2011(ኤፍ ቢ ሲ) የአፍሪካ የፈጠራ ሳምንት በቅርብ ቀን በአዲስ አበባ የሚካሄድ መሆኑን የኢኖቬሽንና ቴክኖሎጂ ሚኒስቴር አስታውቋል።

የኢኖቬሽን ሳምንት ፕሮግራሙን የሚያዘጋጁትም የኢኖቬሽንና ቴክኖሎጂ ሚኒስቴር ከአይ ቢ ኤ ኢትዮጵያ ጋር በመተባበር መሆኑ ተገልጿል።

የአፍሪካ የፈጠራ ሳምንቱ በሀገሪቱ የሚገኙ የቴክኖሎጂ ፈጣሪዎች የገንዘብ ድጋፍ እንዲያገኙ ከሀገር ውስጥና ከውጭ ባለሃብቶች ጋር ከማገናኘት ባለፈ ከአውሮፓና ከሌሎች ሀገራት ከሚመጡ ቴክኖሎጂዎች የመነሻ ልምድ ለመውሰድ ያስችላል ተብሏል።

የግሉ ዘርፍ በተቀናጀ መልኩ በቴክኖሎጂው መስክ እንዲሳተፍ ማድረግ፣ከውጭ የሚመጡ ቴክኖሎጂዎችን በሀገር ውስጥ በተመረቱ ቴክኖሎጂዎች በመተካት  የውጭ ምንዛሬን ማግኘት ሌላው የኢኖቬሽን ሳምንቱ ዋና ዓላማ መሆኑን የኢኖቬሽንና ቴክኖሎጂ ሚኒስቴር ሚኒስትር ዴኤታ ዶ/ር ሹመቴ ግዛው ተናግረዋል።

ሚኒስቴር መስሪያ ቤቱ የግል ባለሃብቶች በቴክኖሎጂው ዘርፍ ገብተው እንዲሳተፉና ከቴክኖሎጂ ፈጣሪዎች ጋር እንዲገኛኙ በማድረግ ላይ በትኩረት እንደሚሰራ ሃላፊው ተናግረዋል፡፡
በኢኖቬሽን ሳምንቱ መዘጋጀት ዙሪያም የኢኖቬሽንና ቴክኖሎጂ ሚኒቴርና ከአይ ቢ ኤ ኢትዮጵያ የስራ ሃላፊዎች ጋር ውይይት አድርገዋል።

You might also like
Comments
Loading...