Fana: At a Speed of Life!

የርብ ግድብ የፊታችን ጥቅምት 18 ይመረቃል

አዲስ አበባ፣ጥቅምት 02፣2011 (ኤፍ በ ሲ) በ4 ቢሊየን ብር የተገነባው የርብ ግድብ ጥቅምት 18 ቀን 2011 ይመረቃል።

በአማራ ብሔራዊ ክልላዊ መንግሥት በደቡብ ጎንደር ዞን አስተዳደር በፋርጣና እብናት ወረዳዎች መካከል የተገነባው ርብ ግድብ 800 ሜትር ርዝመት እና 73 ነጥብ 5 ሜትር ከፍታ አለው።

234 ሚሊየን ሜትር ኩብ ውሃ የመያዝ አቅም ያለው ግድቡ  20 ሺህ ሄክታር መሬት በመስኖ ማልማት የሚያስችልም ነው።

ፕሮጀክቱ  በአካባቢው ያሉ አርሶ አደሮች የግድቡን ውሃ በመጠቀም በዓመት ሦስት ጊዜ የተለያዩ ሰብሎችን ማልማት ያስችላቸዋል።

ግድቡ  ውሃ በመያዝ ለመስኖ ልማት ከሚያበረክተው በተጨማሪ ከግድቡ በታች ወንዙ የሚያስከትለውን የጎርፍ መጥለቅለቅ መከላከል የሚችል ሲሆን፥ የጣና ሐይቅንም ከደለል ሙሌት እንደሚከላከል ነው የዉሃ፣ መስኖና ኤሌክትሪክ ሚኒስቴር ያስታወቀው።

የኢትዮጵያ ኮንስትራክሽን ሥራዎች ኮርፖሬሽን  የፕሮጀክቱ ተቋራጭ፥ ሲሆን  የኢትዮጵያ ኮንስትራክሽን ዲዛይንና ሱፐርቪዥን ሥራዎች ኮርፖሬሽን ደግም የማማከር ስራውን አከናውኗል።

የግድቡ ግንባታ በ2000 ዓ.ም የተጀመረ ሲሆን ፥ የተያዘለት በጀት በሶስት እጥፍ  አድጎ  ነው ግንባታው ተጠናቆ ለምረቃ የበቃው።

የግድቡ መሰረት በጥልቅ ጥናት ላይ ያልተመሰረተ መሆን፣ የዲዛይን መቀያየርና መዘግየት፣ የብረታ ብረት  መሳሪያዎችና ሲሚንቶ እጥረት እንዲሁም የካሳ ክፍያ መዘግየትና በአካባቢው ላይ የፈጠረው ማህበራዊ ቀውስ፥ ግድቡ ከተያዘለት ዕቅድ ውጪ ለዓመታት እዲዘገይ ያደረጉ ችግሮች መሆናቸውን ሚኒስቴሩ ይገልፃል።

You might also like
Comments
Loading...