Fana: At a Speed of Life!

ወጣቱ አፍሪካዊ ቢሊየነር በታንዛኒያ መታገቱ ተነገረ

አዲስ አበባ፣ ጥቅምት 1፣ 2011 (ኤፍ.ቢ.ሲ) ወጣቱ አፍሪካዊ ቢሊየነር በታንዛኒያ ዋና ከተማ ዳሬ ሰላም መሳሪያ በያዙ ሰዎች መታገቱ ተነግሯል።

መሀመድ ዴውጂ የተባለው የ43 ዓመት ወጣት ቢሊየነር  ወደ ስራ በሚጓዝበት ወቅት እንደታገተ ነው የተነገረው።

ፎርብስ መፅሄት  በ1 ነጥብ 5 ቢሊየን ዶላር ሀብት ብቸኛው ታንዛናዊ ቢሊየነር መሆኑን   ያስታወቀ ሲሆን፥ በፈረንጆቹ 2017 አፍሪካዊ ወጣት ቢሊየነር መባሉም ተነግሯል።

ከእገታው ጋር ተያይዞ ሶስት ግለሰቦች በቁጥጥር ስር መወላቸው የተገለፀ ሲሆን፥ ከአጋቾቹ ሁለቱ የውጭ ሀገር ዜጎች ሳይሆኑ አይቀርም ሲል ፖሊስ አስታውቋል።

ቢሊየነሩ የታገተበት ምክንያት እንዳልታወቀም ፓሊስ ይፋ አድርጓል።

ግለሰቡ በ2016 ግማሽ ሀብቱን  የሰዎችን ህይወት ለሚያሻሽሉ የሰብዓዊ  ፕሮግራሞች ድጋፍ ለማድረግ ቃል መግባቱን መረጃዎች ያመለክታሉ።

ቢሊየነሩ ወጣት በጨርቃጨርቅ፣ በከፍተኛ የግብርና ምርቶች፣ በመጠጥት ኢንዱስትሪ እና በምግብ ዘይት ምርቶች ላይ በስድስት የአፍሪካ ሀገራት እንደተሰማራም ተነግሯል።

ምንጭ፥ሲጂቲኤን አፍሪካ

You might also like
Comments
Loading...