Fana: At a Speed of Life!

ከአውሮፕላን ማረፊያ በመነሳት ላይ የነበር የህንድ አውሮፕላን ከግንብ ጋር ተጋጨ

አዲስ አበባ ጥቅምት2፣ 2011(ኤፍ.ቢ.ሲ) ከአውሮፕላን ማረፊያ በመነሳት ላይ የነበር  የህንድ አውሮፕላን ከግንብ ጋር መግጨቱ ተገልጿል።

የኤር ኢንዲያን ቦይንግ 737  የሆነ  የህንድ አውሮፕላን  ከአውሮፕላን ማረፊያ ግንብ ጋር የተጋጨው ከደቡባዊ ህንድ ትሪችይ ከተማ ወደ ዱባይ በማምራት ላይ በነበረበት ወቅት መሆኑ ተገልጿል።

በዚህም 130 ተሳፈሪዎችን እና 6 የበራራ ሰራተኞችን አሳፍሮ የነበረው ይህ አውሮፕላን በረራውን ወደ ሞንባይ በመቀየር በሞምባይ የአውሮፕላን ማረፊያ በሰላም ማረፉ ነው የተገለጸው።

በዚሁ አደጋ በአውሮፕላኑ ላይ መጠነኛ ጉዳት የደረሰ ሲሆን፥ አብራሪዎቹ ለምርመራ መወሰዳቸውም ነው በዘገባው የተገለጸው።

አብራሪዎች 6ሺህ 500 ያህል ሰዓታት የማብረር ልምድ ያላቸው መሆኑንም የአየር መንገዱ መረጃ አመላክቷል።

ይህ አደጋ የተከሰተው የኢንዲያ ጄት ኤር ዌይስ በበረራ አገልግሎት አሰጣጥ ቴክኒክ ጉድለት በ30 ተሳፋሪዎች ላይ ጉዳት ካደረሰና ህክምና ከተደረገላቸው ከሳምንታት በኋላ መሆኑን ዘገባው አስታውሷል።

ምንጭ፦ bbc.com

You might also like
Comments
Loading...