Fana: At a Speed of Life!

እንግሊዝ በቴክኖሎጂ የተደገፈ ስራ ፈጠራ ላይ ለሚሰማሩ ኢትዮጵያውያን ወጣቶች ድግፍ አደርጋለሁ አለች

አዲስ አበባ፣ጥቅምት 01፣2011 (ኤፍ ቢ ሲ) የኢትዮጵያውያን ወጣቶች በቴክኖሎጂ የተደገፈ ስራ ፈጠራ ላይ እንዲሰማሩ እንግሊዝ ድጋፍ እንደምታደርግ በኢትዮጵያ የእንግሊዝ አምባሳደር ሱዛና ሞርሄድ ገለፁ፡፡

የሳይንስና ቴክኖሎጂ ሚኒስቴር ሚኒስትር ጌታሁን መኩሪያ (ዶ/ር ኢንጂ.) በኢትዮጵያ የእንግሊዝ አምባሳደር ከሆኑት ሱዛና ሞርሄድ ጋር ኢትዮጵያና እንግሊዝ በቴክኖሎጂ ዘርፍ በጋራ ለመስራት በሚችሉበት ሁኔታ ላይ ተወያይተዋል፡፡

እንግሊዝ በቴክኖሎጂ ያላትን የካበተ ልምድ በመጠቀም የኢትዮጵያ ወጣቶች ቴክኖሎጂ ነክ በሆኑ ጉዳዮች ላይ እንዲሰማሩ ለማድረግ በሚደረገው ጥረት ላይ ድጋፍ እንደምታደርግ አምባሳደሯ ተናግረዋል፡፡

በተጨማሪም የሞባይል ክፍያ ስርዓትን በኢትዮጵያ ለማሸጋገር እንግሊዝ ፍቃደኛ መሆኗን ጠቁመዋል፡፡

ባለፈዉ ወር መጨረሻ እንግሊዝ በኢትጵያ ለትምህርት ጥራትና ተደራሽነት እንዲሁም ንግድና ኢንቨስመንትን ለማሻሻል የሚውል 6.3 ቢሊየን ብር ድጋፍ ማድረጓ ይታወሳል፡፡

You might also like
Comments
Loading...