Fana: At a Speed of Life!

ኢትዮጵያና ብሪታኒያ የ176 ሚሊየን ፓውንድ የድጋፍ ስምምነት ተፈራረሙ

አዲስ አበባ፣ መስከረም 25፣ 2011 (ኤፍ.ቢ.ሲ) ኢትዮጵያ እና ብሪታኒያ የ176 ሚሊየን ፓውንድ( የ6 ነጥብ 3 ቢሊየን ብር በላይ ) የድጋፍ ስምምነት ተፈራረሙ።

የድጋፍ ስምምነቱ የትምህርት ጥራትና ተደራሽነት እንዲሁም ንግድና ኢንቨስትመንትን  ለማሻሻያል የሚውል ነው ተብሏል።

ስምምነቱን የተፈራረሙት  የገንዘብና ኢኮኖሚ ልማትና ትብብር ሚኒስትር ደኤታ አቶ አድማሱ ነበበና የብሪታንያ አፍሪካ ሚንስትር ሃርየት ባልድዊንና  ናቸው።

በስምምነቱ መሰረት 110 ሚሊየን ፓውንዱ (3 ነጥብ 94 ቢሊን ብሩ) ለሀገሪቱ አጠቃላይ የትምህርት ጥራትና ተደራሽነት የሚውል ሲሆን፥ 66 ሚሊየን ፓውንዱ (2 ነጥብ 36 ቢሊን ብሩ) የኢትዮጵያን እድገትና ኢንቨስትመንት ለማሳደግ የሚውል ነው ተብሏል።

የመጀመሪያው ስምምነት መንግሰት በአፋር፣ ሶማሌ እና  የቤንሻንጉል ጉሙዝ ክልሎች  በአካል ጉዳተኞች፣ ቅድመ መደበኛ ፣ የመጀመሪያና የሁለተኛ ደረጃ ትምህርት ቤቶች  ጥራትን ለማሻሻል የሚያደርገውን ጥረት ለመደገፍ እንደሚውል ተነግሯል።

በሀገራቱ መካከል የተደረሰው ሁለተኛው የ66 ሚሊየን ፓውንድ የድጋፍ  ስምምነት የኢትዮጵያን  የኢንቨስትመንት አስተዳደር ውጤታማነት ለማሳደግ፣ የወጪ ንግድ አቅምን እና የማምረቻ ዘርፉን ለማሳደግ የሚውል  ነው ተብሏል።

በኤፍሬም ምትኩ

 

You might also like
Comments
Loading...