Fana: At a Speed of Life!

በፕሪምየር ሊጉ የመጀመሪያ ሶስት ጨዋታዎች ላይ ማስተካከያ ተደረገ

አዲስ አበባ፣ መስከረም 29፣ 2011 (ኤፍ.ቢ.ሲ) የኢትየጵያ እግር ኳስ ፌዴሬሽን ደቡብ ፖሊስ ፣ ባህርዳር ከተማ እና ሽረ እንደስላሴ በፕሪምየር ሊጉ የመጀመሪያ ሳምንት የሚያደርጉት ጨዋታ አራዘመ።

ሶስቱ ክለቦች የአምናው የከፍተኛ ሊግ ውድድር ዘግይቶ በመጠናቀቁ ቡድናቸውን በዝውውሮች ለማጠናከር እና በቂ የቅድመ ውድድር ጊዜ ዝግጅትም ለማድረግ መቸገራቸውን አስታውቀዋል።

ፌዴሬሽኑ የክለቦችን ጥያቄ ከግምት በማስገባት በመጀመሪያው ሳምንት የሚያደርጓቸውን ጨዋታዎች ለሌላ ጊዜ እንዲተላለፉ ወስኗል።

በዚህ መሰረት ደቡብ ፖሊስ ከመከላከያ፣ ሽረ እንደስላሴ ከወላይታ ድቻ እንዲሁም  ባህርዳር ከተማ ከቅዱስ ጊዮርጊስ የሚያደርጓቸው ሶስቱ  ጨዋታዎች ወደ ፊት በሚገለፅ ቀን ይከናወናሉ ተብሏል።

ይህ በመሆኑም ክለቦቹ በሁለተኛው ሳምንት የዓመቱን የመጀመሪያ ጨዋታዎቻቸውን ሲያከናውኑ ጥቅምት 24 እና 25 እንደሚደረጉ በሚጠበቁት ጨዋታዎች ደቡብ ፖሊስ ከሜዳው ውጪ ከድሬዳዋ ከተማ ሲገናኝ ባህርዳር ላይ ባህርዳር ከተማ ከሽረ እንደስላሴ ይጫወታሉ።

ምንጭ፥ ሶኮር ኢትዮጵያ

You might also like
Comments
Loading...