Fana: At a Speed of Life!

በከፍተኛ ትምህርት ተቋማት ውስጥ ሰላማዊ የመማር ማስተማር ሂደት ለማስፈን የተቀናጀ ጥረት ያስፈልጋል-ም/ጠ/ሚ አቶ ደመቀ

አዲስ አበባ፣ ጥቅምት 2፣ 2011 (ኤፍ.ቢ.ሲ) በ2011 ዓመት የትምህርት ዘመን በከፍተኛ ትምህርት ተቋማት ውስጥ ሰላማዊ የመማር ማስተማር ሂደት ለማስፈን የተቀናጀ ጥረት መደረግ እንድሚያስፈልግ  ምክትል  ጠቅላይ ሚኒስትር  አቶ ደመቀ መኮንን ገለፁ።

በዛሬው ዕለት ከፍተኛ ትምህርት ተቋማት ሰላማዊ የመማር ማስተማር ሂደት ላይ ውይይት እየተካሄደ ነው።
የዘንድሮውን  የከፍተኛ ትምህርት ተቋማት በመማር ማስተማር ሂደት ሰላማዊ እና የተረጋጋ ለማድረግ ሁሉም ተዋናይ የበኩላቸውን ሊወጡ እንደሚገባ  ነው ምክትል  ጠቅላይ ሚኒስትሩ ያስታወቁት።

ከተለያዩ ከፍተኛ ትምህርት ተቋማት እና ከማህበረሰብ የተውጣጡ 1500 ተሳታፊዎች በጠቅላይ ሚኒስቴር ፅህፈት ቤት በሚካሄደው የውይይት መድረክ ላይ ታድመዋል።

የመድረኩ ተሳታፊዎች ከመጡበት ተቋም እና አካባቢ በሚመነጩ ችግሮች እና መውጫ መንገዶች ዙሪያ ውይይት በማድረገግ ላይ ይገኛሉ።

You might also like
Comments
Loading...