Fana: At a Speed of Life!

በኡጋንዳ በደረሰ የመሬት መንሸራተት አደጋ የሞቱ ሰዎች ቁጥር 31 ደረሰ

አዲስ አበባ ፣ጥቅምት 02 ፣2011 (ኤፍ ቢ ሲ) በምስራቅ ኡጋንዳ ቡዱዳ ግዛት ከባድ ዝናብ በመጣሉ ምክንያት በተፈጠረ የመሬት መንሸራተት አደጋ እስካሁን 31 ሰዎች ሲሞቱ በርካቶች ከመኖሪያ ቀያቸው ተፈናቅለዋል፡፡

የኡጋንዳ ቀይ መስቀል ማህበር ቃል አቀባይ ኢራን ናካሲታ ሐሙስ ዕለት ባወጣዉ መግለጫ ፥በኡጋንዳ  በቡዱዳ ግዛት በደረሰ የመሬት መንሸራተት አደጋ  የሞቱት ሰዎች ቁጥር 31 መድረሱን  አስታውቋል፡፡

ይሁን እንጅ በአደጋዉ የተጎዱት ሰዎች ቁጥር ሳያሻቅብ እንደማይቀርና በርካታ ነዋሪዎችም መኖሪያ ቀያቸውን  ለቀው እየወጡ መሆናቸው በመግጫው ተመላክቷል፡፡

በአደጋው ከሞቱ ሰዎች በተጨማሪ በዙ ሰዎች የጠፉ ሲሆን በርካታ መኖሪያ ቤቶችም ወደ ፍርስራሽነት ተቀይረዋል፡፡

መንግስት በአደጋው የተጋለጡ ነዋሪዎችን በቅርብ በሚገኙ ግዛቶች ላይ እያሰፈረ ቢሆንም፥ የአካባቢው ነባር ነዋሪዎች ድርጊቱን መቃዎማቸው ተገልጿል፡፡

በኡጋንዳና ኬንይና ድንበር አካባቢ ኤልጎን ተራራ ስር የምትገኘው የቡዱዳ ግዛት ከፍተኛ የሆነ የመሬት  መንሸራተት አደጋ ያለባት ቦታ ናት ።

በኡጋንዳ ቡዱዳ ግዛት በፈረንጆቹ 2010 እና 2012 በተፈጠረ የመሬት መንሸራተት አደጋ የ100 ሰዎች ህይዎት ሲያልፍ ሶስት መንደሮች መውደማቸው ይታወሳል፡፡

ምንጭ፥ አልጀዚራ

You might also like
Comments
Loading...