Fana: At a Speed of Life!

በአፍጋኒስታን በዘጠኝ ወራት ውስጥ 2 ሺህ 798 ሰላማዊ ሰዎች መገደላቸው ተገለፀ

አዲስ አበባ፣ ጥቅምት 2፣ 2011 (ኤፍ.ቢ.ሲ) በአፍጋኒስታን በዘጠኝ ወራት ውስጥ 2 ሺህ 798 ሰላማዊ ሰዎች መገደላቸው ተገለፀ።

በአፍጋኒስታን በፈረንጆቹ 2018 ዘጠኝ ወራት ውስጥ 2 ሺህ 798 ሰላማዊ ሰዎች ህይወታቸው ሲያጡ 5 ሺህ 252 ሰዎች የአካል ጉዳት እንዳጋጠማቸው የተባበሩት መንግስታት ድርጅት አስታወቀ።

ድርጅቱ ከፈረንጆቹ ጥር እስከ መስከረም ወር ባሉ ጊዜያት በተለያዩ የሀገሪቱ ክፍሎች በተፈፀሙ ጥቃቶች ህይወታቸውን ማጣታቸውን ሪፓርቱ አመልክቷል።

በታጣቂዎችና መንግስትን በሚቃወሙ ሀይሎች የተገደሉት ዜጎች ቁጥር በከፍተኛ ሁኔታ ማሻቀቡ የተነገረ ሲሆን፥ ባለፉት ዘጠኝ ወራት የተመዘገበው ግድያ ከ2014 ጀምሮ ከፍተኛ አንደደሆነ ተነግሯል።

በአፍጋኒስታን የተባበሩት መንግስታት ልዑክ እንዳስታወቀው፥ ግድያውና የአካል ጉዳቱ ያጋጠመው በአጥፍቶ መጥፋትና በተቀጣጣይ መሳሪያዎች መሆኑን አስታውቋል።

በሀገሪቱ በተቀጣጣይ መሳሪያዎች በሚወሰድ ጥቃቶች ህይወታቸውን የሚያጡና የአካል ጉዳት የሚያጋጥማቸው ዜጎች ቁጥር እየጨመረ ነው ተብሏል።

በተጨማሪም በአየርና በምድር የሚፈፀሙ ጥቃቶች ፣ ሰላማዊ ዜጎችን ኢላማ ያደረጉ ጥቃቶች እና በማዕድን ማውጫ ስፍራዎች የሚከሰት ፍንዳታ ለሞት ምክንያት ከሆኑ ጉዳዩች ይጠቀሳሉ።

መንግሰትን የሚቃወሙ ሀይሎች አነስተኛ ቁጥር ባላቸው ብሄሮችና ሀይማኖቶች ላይ የሚያደርሷቸው ጥቃቶች ከፍ እያሉ መምጣታቸው ተገልጿል።

ምንጭ፥ አልጀዚራ

You might also like
Comments
Loading...