Fana: At a Speed of Life!

በሻሸመኔ ከተማ ሰው በመግደልና ዘቅዝቆ በመስቀል ወንጀል የተጠረጠሩ ግለሰቦች ፍርድ ቤት ቀረቡ

አዲስ አበባ፣ ጥቅምት 1፣ 2011 (ኤፍ.ቢ.ሲ) በሻሸመኔ ከተማ ሰው በመግደልና ዘቅዝቆ በመስቀል ወንጀል የተጠረጠሩ ግለሰቦች ፍርድ ቤት ቀረቡ።

በወንጀሉ ተጠርጥረው በቁጥጥር ከዋሉት 14 ግለሰቦች ውስጥ ነው በዛሬው እለት ስድስቱ ዛሬ ፍርድ ቤት የቀረቡት።

በዛሬው እለት ፍርድ ቤት የቀረቡትም ገመዲ ሹሚ በዳዶ፣ ጀዋሮ ሁሴን ዋቃዮ፣ አርገታ በሽር ቱሲ፣ ከድር ማሞ በቀታ፣ በረዲን ሁሴን ባዪሞ እና ዱሬሳ( ፍቃዱ) ተስፋዬ ሂርጳ ናቸው።

ግለሰቦቹ ነሃሴ 6 ቀን 2010 ዓ.ም ለኦሮሚያ ሚዲያ ኔትወርክ ዳይሬክተር አቶ ጃዋር መሀመድ አቀባበል ስነ ስርዓት ላይ ግርግር በመፍጠር አንድ ግለሰብን በአሰቃቂ ሁኔታ ገድሎ በመስቀል ወንጀል መጠርጠራቸውን የአቃቤ ህግ መዝገብ ይጠቁማል።

የምዕራብ አርሲ ዞን ከፍተኛ ፍርድ ቤትም ዛሬ በዋለው ችሎት የግራ ቀኙን ክርክር አዳምጦ ለጥቅምት 5 2011ዓ.ም ተለዋጭ ቀጠሮ ሰጥቷል።

በጥላሁን ይልማ

You might also like
Comments
Loading...