Fana: At a Speed of Life!

በህገወጥ መንገድ ተይዞ የቆየ 38 ሺህ ካሬ የካባ ድንጋይ ማውጫ በማህበር ለተደራጁ ወጣቶች ተላልፎ ተሰጠ

አዲስ አበባ መስከረም 28፣ 2011 (ኤፍ.ቢ.ሲ)በህገወጥ መንገድ ተይዞ የቆየ 38 ሺ ካሬ የካባ ድንጋይ ማውጫ በማህበር ለተደራጁ ወጣቶች ተላልፎ ተሰጠ።

በአዲስ አበባ ከተማ አስተዳደር ንፋስ ስልክ ላፍቶ ክፍለ ከተማ ለአመታት በህገወጥ መንገድ ተይዞ የቆየ 38 ሺህ ካሬ የካባ ድንጋይ ማውጫ ቦታ በ28 ማህበራት ለተደራጁ 1 ሺህ 40 ወጣቶች በዛሬው እለት ተላልፎ መሰጠቱን የአዲስ አበባ ከተማ አስተዳደር ከንቲባ መረጃ ያስረዳል።

ምክትል ከንቲባ ኢንጂነር ታከለ ኡማ ሰሞኑን በተለያዩ ክፍለ ከተሞች ከወጣቶች ጋር ውይይት ማድረጋቸው ይታወሳል።

በዚህም የንፋስ ስልክ ላፍቶ ክፍለ ከተማ ወጣቶች በዚህ ቦታ ላይ ተደራጅተን በህጋዊ መንገድ እንስራ ማለታቸውን ተከትሎ ቦታው በ28 ማህበራት ለተደራጁ 1 ሺህ 40 ወጣቶች በዛሬው እለት ተላልፎ ተሰጥቷል።

ለወጣቶች የስራ አጥነት ጥያቄ አፋጣኝ ምላሽ ለመስጠት ተመሳሳይ ተግባር በሁሉም ክፍለ ከተሞች የሚቀጥል ሲሆን፥ ቦታዎችን የመለየት እና ተጨማሪ የስራ እድል አማራጮች ላይ ጥናት እየተደረገ ነው ተብሏል።

You might also like
Comments
Loading...