Fana: At a Speed of Life!

ሰሜን ኮሪያ የኒውክሌር ማዕከሏን ለታዛቢዎች ክፍት ለማድረግ ዝግጁ መሆኗ ተገለጸ

አዲስ አበባ፣ ጥቅምት 21፣ 2011 (ኤፍቢሲ) ሰሜን ኮሪያ የኒውክሌር ጣቢያዋን ለዓለም አቀፉ ታዛቢ ቡድን ለማስጎብኘት ዝግጁ መሆኗ ተገለጸ፡፡

ሰሜን ኮሪያ ባለፈው ዓመት መጋቢት ወር ላይ የኒውክሌር ማብሊያዋን መዝጋቷ የሚታወስ ነው፡፡

በወቅቱ ታዲያ ዓለም አቀፍ ታዛቢዎች ጣቢያውን እንዲጎበኙ ያለመፍቀዷ ትችት ሲያስነሳባት ቆይቷል፡፡

አልጀዚራ ዮናፕን ጠቅሶ እንደዘገበው ከሆነ ማዕከሉ ለዓለም አቀፉ ታዛቢ ክፍት እንደሚሆን ያስታወቀው የደቡብ ኮርያ የስለላ ተቋም ነው ተብሏል፡፡

መስከረም ወር ላይ የደቡብ ኮርያው መሪ ሙን ጃኢን ከኪም ጋር መወያየታቸውን ተከትሎ ሰሜን ኮርያ ዋነኛውን የኒውክሌር ማብለያ ማዕከሏን እንደምትዘጋ ማስታወቃቸው ይታወሳል፡፡

የቀጠናው የሰላም ሂደት ታዲያ የዩናይትድ ስቴትስ ፕሬዚዳንት ዶናልድ ትራምፕና ኪምጁንግ ኡን በሰኔ ወር ሲንጋፖር ላይ ተገናኘተው መወያየታቸውን ተከትሎ የልሳነ ምድሩ ሰላም ከጊዜ ወደ ጊዜ እየተሻሻለ መምጣቱን ተንታኞች ይናገራሉ፡፡

 

ምንጭ፦አልጀዚራ

በአብርሃም ፈቀደ

 

You might also like
Comments
Loading...