Fana: At a Speed of Life!

ለ8 እንግዶች የእራት ፕሮግራም 58 ሺህ ዶላር የጠየቀው የቻይና ሬስቶራንት ምርመራ እየተካሄደበት ነው

አዲስ አበባ፣ ጥቅምት 1፣ 2011 (ኤፍ.ቢ.ሲ) ለ8 እንግዶች የእራት ፕሮግራም 58 ሺህ ዶላር የጠየቀው የቻይና ሬስቶራንት ምርመራ እየተካሄደበት ነው።

በቻይና ሻንጋይ ከተማ ውስጥ የሚገኝ ሬስቶራንት 58 ሺህ ዶላር ክፍያ የጠየቀው አንድ የሳዑዲ አረቢያ ቱሪስት እና ሰባት ጓደኞቹ ለተጠቀሙት የእራት ፕሮግራም መሆኑ ተገልጿል።

58ሺህ ዶላር / የ400 ሺህ ዩአን/ የእንግዶቹ የእራት መስተንግዶ ደረሰኝ በቻይና የማህበራዊ ሚዲያዎች በፍጥነት ሲዘዋዎር የነበረ መሆኑም ተጠቁሟል።

የሬስቶራንቱ ቃል አቀባይ ደረሰኙ ትክክለኛ ያልሆነ እና በደረሰኙ ላይ ከተዘረዘሩ አገልግሎቶች መካከልም እንግዶቹ ያልተጠቀሟቸው መኖራውን ሲገልጹ፥ የሬስቶራንቱ ባለቤትእና ስራ አስኪያጅ ሰን ዝሃዋጉዋ በበኩላቸው አንግዶቹ ተጨማሪ ውድ እና የቅንጦት ምግቦችን መጠቀማቸውን ማረጋገጣቸው ተገልጿል።
በዚህም በሬስቶራንቱ ላይ ምርመራ እየተደረገ መሆኑ ነው የተገለጸው።

የሬስቶራንቱ የስራ ባልደረቦች ለእንግዶቹ የእራት ግብዣ የተጠየቀው ዋጋ ከፍተኛ እና የተጋነነ ሲሆን፥ ተስተናጋጆቸም ይህን ያህል ክፍያ ሊከፍሉ እንደማይችሉ ለመገናኛ ብዙሃን አስተያየታቸውን መስጠታቸው ታውቋል።

የሬስቶራንቱ ባለቤት እና ስራ አስኪያጅ በበኩላቸው የእራት ግብዣው ለ20 ሰዎች በልዩ ትዕዛት የተዘጋጀ ሲሆን፥ ለዚሁ ምግብ ዝግጅት አገልግሎት ላይ ከዋሉት የምግብ ግብዓቶች እና የአገልግሎት ዋጋ አንጻር የዋጋው ጭማሪ መታየቱን ተናግረዋል።

ምንጭ፦ odditycentral.com

You might also like
Comments
Loading...