Fana: At a Speed of Life!

ፍርድ ቤቱ በሶማሌ ክልል የቀድሞ ርዕሰ መስተዳድር በአቶ አብዲ መሐመድ ላይ ተጨማሪ የ14 ቀን የምርምራ ጊዜ ፈቀደ

አዲስ አበባ፣ መስከረም 4፣ 2011 (ኤፍ.ቢ.ሲ) ፍርድ ቤቱ በሶማሌ ክልል የቀድሞ ርዕሰ መስተዳድር አቶ አብዲ መሐመድን ጨምሮ በሌሎች ተከሳሾች ላይ ተጨማሪ የ14 ቀን የምርምራ ጊዜ ፈቀደ።

በፌደራል ከፍተኛ ፍርድ ቤት 19ኛ ተረኛ ምድብ ችሎት በአቶ አብዲ መሐመድና በሌሎች ተጠርጣሪዎች ላይ የቀረቡትን አቤቱታ በዛሬው ዕለት ሰምቷል።

በዚህ ወቅት ተከሳሾቹ በቤተሰብ እንደማይጠየቁ፣ ምግብና ህክምና በተገቢው መንገድ እያገኙ እንዳልሆነ በመግለፅ ቅሬታ አቅርበዋል።

በተጨማሪም መዝገቡ ሁሉንም ተከሳሾች በአንድ የያዘ በመሆኑ በኃላፊነት ደረጃቸው መለየት እንዳለባቸውና የዋስትና መብታቸው ሊከበር እንደሚገባ ፍርድ ቤቱን ጠይቀዋል።

የቀረቡት ጉዳዮችን በዝርዝር የተመለከተው ፍርድ ቤት ፖሊስ ተገቢውን ማስተካከያ እንዲያደረግ ትዕዛዝ አስተላልፏል።

ከዚህ ባለፈ የተጠረጠሩበት ወንጀል የዋስትና መብት ስለማያሰጣቸው ጥያቄውን ውድቅ በማድርግ ፖሊስ የጠየቀውን ተጨማሪ የ14 ቀን የምርመራ ጊዜ በመፍቀድ ለመስከረም 18 ቀጠሮ ይዟል።

You might also like
Comments
Loading...