Fana: At a Speed of Life!

ጀርመንና ጣሊያን በስደተኞች አያያዝ ዙሪያ ስምምነት ላይ መድረሳቸው ተገለጸ

አዲስ አበባ፣ መስከረም 3፣ 2011 (ኤፍ.ቢ.ሲ) ጀርመንና ጣሊያን በስደተኞች አያያዝ ዙሪያ ስምምነት ላይ መድረሳቸው ተገልጿል።

የጀርመን ሀገር ውስጥ ጉዳይ ሚኒስትር ሆርስት ሰሆፈር እንደገለጹት ጀርመን ቀደም ሲል በጣሊያን የጥገኝነት ጥያቄ አቅርበው የነበሩ ስደተኞችን ወደ ዚያው ለመመለስ በምትችልበት ጉዳይ ላይ ከጣሊያን ጋር ስምምነት ላይ ደርሰዋል።

በቅርብ ቀናትም ሁለቱ ሀገራት በዚህ ጉዳይ ላይ የስምምነት ፊርማ ይፈራረማሉ ተብሎ እንደሚጠበቅም ነው ሚኒስተሩ የገለጹት።

ከፈረንጆቹ 2014 ጀምሮ ከ1ነጥብ6 ሚሊየን በላይ ስደተኞች ወደ ጀርመን መግባታቸው የታወቀ ሲሆን፥ ጉዳዩ የጀርመን ብሄራዊ ፓርላማ መወያያ አጀንዳ ሆኖ የቆየ መሆኑም ነው የተገለጸው።

በዚህም ባሳለፍነው የፈረንጆቹ ነሃሴ ወር ጀርመን ቀደም ሲል በግሪክና ስፔን የጥገኝነት ጥያቄዎችን አቅርበው የነበሩ ስደተኞችን በ48 ሰዓት ውስጥ መልሳ ለመላክ ስምምነት ላይ የደረሰች መሆኑን ዘገባው አስታውሷል።

በተመሳሳይ መልኩ ጀርመን አሁን ላይም ከጣሊያን ወደ ጀርመን የገቡና የጥገኝነት ጥያቄዎቸን አቅርበው የነበሩ ስደተኞችን ወደ ጣሊያን ለመመለስ በሚያስችሉ ጉዳዮች ላይ መስማማታቸው ነው የተገለጸው።

በሀገሪቱ የፖለቲካ ፓርቲዎች በስደተኞች አያያዝ ዙሪያ ላይ ሲወዛገቡ የቆዩ ሲሆን፥ ስምምነቱ የፓለቲካ ፓርቲዎችን ውዝግብ የሚፈታ መሆኑን ዘገባው ያስረዳል።

ምንጭ፦ reuters.com

You might also like
Comments
Loading...