Fana: At a Speed of Life!

የኢሬቻ በዓል በሰላም መጠናቀቁን የኦሮሚያ ፖሊስ ኮሚሽን አስታወቀ

አዲስ አበባ፣ መስከረም 20፣ 2011 (ኤፍ.ቢ.ሲ) የዘንድሮ የኢሬቻ በዓል አከባበር በሰላም መጠናቀቁን የኦሮሚያ ፖሊስ ኮሚሽን አስታወቀ።

የኦሮሚያ ፖሊስ ኮሚሽን ኮሚሽነር ጄነራል አለማየሁ እጅጉ በሰጡት መግለጫ፥ የኢሬቻ በዓል አከባበር ከዋዜማው ጀምሮ እስከ ዛሬ ድረስ ያለምንም የፀጥታ ችግር መከበሩን ተናግረዋል።

የበዓሉ ታዳሚዎች ከመነሻ ጀምሮ ዋናው በዓል እስከሚከበርበት ስፍራ ድረስ ለፀጥታው አካል ባሳዩት ስነ ምግባር የተሞላ ትብብር አማካኝነት በዓሉ በሰላም መጠናቀቁንም ኮሚነሩ ገልፀዋል።

በተለይም የገዳ ፎሌዎች ከፖሊስ ጋር ባደረጉት ትብብር እና የበዓሉ ታዳሚዎች ባሳዩት መተባበር እና መደማመጥ በዓሉ በጥሩ መንፈስ እንዲከበር ማድረጉን አስታውቀዋል።

ኮሚሽነር ጄነራል አለማየሁ እጅጉ፥ በኦሮሚያ ፖሊስ ስም በዓሉ በሰላም አንዲጠናቀቅ የበኩላቸውን ለተወጡት ወጣቶች እና ለሁሉም የበዓሉ ታዳሚዎች ምስጋናቸውን አቅርበዋል።

በሙለታ መንገሻ

You might also like
Comments
Loading...