Fana: At a Speed of Life!

የኢሬቻ በዓል በድምቀት ተከበረ

አዲስ አበባ፣ መስከረም 20፣ 2011 (ኤፍ.ቢ.ሲ) የኢሬቻ በዓል በቢሾፍቱ ከተማ ሆራ አርሰዲ በዛሬው እለት በድምቀት ተከብሮ ውሏል።

የዘንድሮው የኢሬቻ በዓል “ኢሬቻ ለፍቅርና ለአንድነት” በሚል መሪ ቃል ነው በቢሾፍቱ ከተማ ሆራ አርሰዲ የተከበረው።

በበዓሉ ላይም ከተለያዩ የሀገሪቱ ክፍሎች፣ ከውጭ ሀገራት የመጡ ዳያስፖራዎች እና በሚሊየን የሚቆጠር ህዝብ ተሳትፏል።

እንዲሁም ሲዳማ ብሄር የሀገር ሽማግሌዎች እና ወጣቶች፣ የጋሞ ብሔረሰብ የሀገር ሽማግሌዎችና ወጣቶች፣ የሀዲያ እና የኮንሶን ጨምሮ ሌሎች የሀገሪቱ ብሄር ብሄረሰቦች ተወካዮችም በበዓሉ ላይ ታድመዋል።

የዘንድሮው የኢሬቻ በዓል ደማቅ በሆነ ስነ ስርዓት በሰላም ተጠናቋል።

ኢሬቻ የኦሮሞ የገዳ ስርዓት መገለጫ ከሆኑት ወስጥ አንዱ ሲሆን፥ በኦሮሞ ህዝብ ዘንድ በተለያዩ ቦታዎች በስፋት የሚከበር የባህልና እሴት መገለጫ የምስጋና በዓል ነው።

በሙለታ መንገሻ

You might also like
Comments
Loading...