Fana: At a Speed of Life!

የቀድሞው የተመድ ዋና ፀሐፊ ኮፊ አናን የቀብር ስነ ስርዓት ተፈጸመ

አዲስ አበባ መስከረም 3፣ 2010 (ኤፍ.ቢ.ሲ) የቀድሞው የተባበሩት መንግሥታት ድርጅት ዋና ፀሐፊ ኮፊ አናን የቀብር ስነ ስርዓት ተፈጸመ።

የታዋቂው አፍሪካዊ ዲፕሎማት ኮፊ አናን የቀብር ስነ ስርዓት የተፈጸመ ሲሆን፥ የተባበሩት መንግሥታት ድርጅት ዋና ጸሃፊ አንቶኒዮ ጉተሬዝን ጨምሮ የዓለም መሪዎችና ታዋቂ ሰዎች በቀብር ስነ ስርዓቱ ላይ መገኘታቸው ታውቋል።

በቀብር ሥነ ሥርዓት ላይ የተገኙተ የተባበሩት መንግስታት ድርጅት ዋና ፀሃፊ አንቶኒዮ ጉተሬዝ እንደተናገሩት አናን የተባበሩት መንግስታት ድርጅት በበጎ ስራቸው ዘወትር የሚያሰታውሳቸው ልዩ ሰው ናቸው።

ሰላማዊና የተሻለች ዓለምን ለመፍጠር የኮፊ አናን ሌጋሲ ቀጣይነት እንዲኖረው መሰራት እንዳለበትም ዋና ጸሃፊው አስገንዝበዋል።

በሺህዎች የሚቆጠሩ ጋናዊያን በአክራ የኮፊ አናን አስከሬን ባረፈበት ቦታ እየተገኙ ለ3 ቀናት ያህል ሀዘናቸውን በመግለጽ ስንብት ሲያደርጉ መቆየታቸውንም ነው ዘገባው የሚያስረዳው።

በ80 ዓመታቸው ባሳለፍነው የፈረንጆቹ ነሃሴ 18 ሲውዘርላንድ ውስጥ ህይወታቸው ያለፈው ኮፊ አናን ከፈረንጆቹ 1997 እስከ 2006 የተባበሩት መንግስታት ድርጅት ዋና ጸሃፊ ሆነው አገልገለዋል።

ኮፊ አናን በዓለም አቀፍ ደረጃ ከፍተኛውን የዲፕሎማቲክ ስልጣን በመያዝ የመጀመሪያው ጥቁር አፍሪካዊ ሲሆኑ፥ የ2001 የሰላም ኖቤል ተሸላሚ መሆናቸውምንም ዘገባው አስታውሷል።

ምንጭ፦ aljazeera.com

You might also like
Comments
Loading...