Fana: At a Speed of Life!

አንሷን ሱኪ የሁለቱ ጋዜጠኞች መታሰር ሃሳብን በነጻነት ከመግለጽ ጋር የሚያገናኘው ነገር የለም አሉ

አዲስ አበባ፣ መስከረም 3፣ 2011 (ኤፍ.ቢ.ሲ) የማይናማርዋ መሪ አንሷን ሱኪ በሀገራቸው የታሰሩ ሁለት የሮይተርስ ጋዜጠኞች ሃሳብን በነጻነት ከመግለጽ ጋር የሚያገናኘው ነገር የለም ማለታቸው ተነገረ፡፡

የዓለም የሰላም የኖቤል ተሸላሚ የሆኑት ሱኪ ጋዜጠኞቹ የታሰሩት ህግ በመጠሳቸው ምክንያት መሆኑን ገልጸዋል፡፡

ይህንን የተናገሩት ቬይትናም እየተካሄደ በሚገኘው ዓለም አቀፍ የኢኮኖሚክ ኮንፍረስ በተገኙበት ወቅት ላይ ነው ተብሏል፡፡

ሁለቱ የማይናማር ዜግነት ያላቸው ጋዜጠኞች የሀገሪቱን ጥብቅ መረጃ በእጃቸው አስገብተዋል በሚል ሰባት ዓመታት ተፈርዶባቸዋል፡፡

ሆኖም ጋዜጠኞቹ መረጃው በጃቸው ሊገባ የቻለው ፖሊስ ባቀነባበረው ሴራ ነው ሲሉ ክሱን አጣጥለውታል፡፡

በዲሞክራሲ አቀንቃኝነት የሚታወቁት አንሷን ሱኪ የሀገሪቱ ወታደሮቹ ሮሂንጊያዎች ላይ ባደረሱት የሰብዓዊ መብት ረገጣ ተከትሎ ዝምታን መርጠዋል በሚል ዓለም አቀፍ ወቀሳ ሲቀርብባቸው ቆይቷል፡፡

ባለፈው ሳምንት የተባበሩት መንግሥታት ድርጅት የሰብዓዊ መብቶች ኮሚሽነር የማይናማርዋን መሪ አንሷን ሱኪ ስልጣን እንዲለቁ ጥሪ አቅርበዋል፡፡

በተጨማሪም የተባበሩት መንግስታት ድርጅት የመብት ረገጣውን አልተከላከሉም በሚል ወቀሳ የሰነዘረባቸው ሲሆን÷ የሀገሪቱ ከፍተኛ ወታደራዊ አመራሮችም በዘር ማጥፋት ሊጠየቁ እንደሚገባ ሪፖርት አውጥቷል፡፡

ምንጭ፦ቢቢሲ

You might also like
Comments
Loading...