Fana: At a Speed of Life!

አሜሪካ ኢራን ሽብርተኝነትን በመደገፍ አሁንም ቀዳሚ መሆኗን አስታወቀች

ቴህራን  ለተከታታይ ሁለት አመታት ሽብርተኞችን  ስትደግፍና ስታስታጥቅ መቆየቷን አስታውቋል

አዲስ አበባ፣ መስከረም 10፣ 2011 (ኤፍ ቢ ሲ) ኢራን  ሽብርተኞችን በመደገፍና በማደራጀት አሁንም ቀዳሚ ሀገር መሆኗን አሜሪካ አስታወቀች።

የአሜሪካ የውጭ ጉዳይ ሚኒስቴር መስሪያ ቤት ዓመታዊ ሪፖርት ቴህራን  ለተከታታይ ሁለት አመታት ሽብርተኞችን  ስትደግፍና ስታስታጥቅ መቆየቷ ያትታል።

እንደ መስሪያ ቤቱ ዓለም አቀፍ ሽብርተኝነት ክፍል ጥናት ከሆነ ቴህራን ሽብርተኞችን በመደገፍ፣ በማደራጅትና በማስታጠቅ ቀዳሚ ሆና ቀጥላለች።

ቴህራን በዓለም ዙሪያ ያሉ ሽብርተኞችን ድጋፍ በማድረግ፣ በማስታጠቅና በማደራጀት በመካከለኛዉ ምስራቅ ሀገራት ላይ ግጭቶችን በማባባስ ላይ መሆኗን ነዉ ጥናቱ ያረጋገጠዉ።

በተለይም በሶርያ፣ የመን፣ ኢራቅ፣ ባህሪን፣ አፍጋኒስታን እና ሌባኖስ ለሚገኙ አሸባሪዎች ድጋፍ በማድረግና በማስታጠቅ ግጭቶች እንዲባባሱ በማድረጓ ሀላፊነት ልትወስድ ይገባል ነው ያከለችው አሜሪካ።

ዋሽንግተን ቀደም ሲል ኢራንን ሽብርተኞችን ከሚደግፉ ሀገራት ውስጥ በቀዳሚነት መመደቧ የሚታወስ ሲሆን፥ ኢራን በበኩሏ በመካከለኛዉ ምስራቅ ህዝቦች ላይ የሚደረገውን ጭቆና ለመታደግ ድጋፏን አጠናክራ እንደምትቀጥል አስታውቃለች።

ቴሂራን በሊባኖስ የሚንቀሳቀሰው ሂዝቦላህና በኢራቅ የሚገኙ የሺሃ ታጣቂዎች እርዳታዋ እንደማይለያቸው ነዉ ያስታወቀችዉ።

ምንጭ፦አልጀዚራ

You might also like
Comments
Loading...