Fana: At a Speed of Life!

አሜሪካ በከባድ የአውሎ ንፋስ ስጋት ውስጥ ትገኛለች

አዲስ አበባ፣ መስከረም 4፣ 2011 (ኤፍ.ቢ.ሲ) ዩናይትድ ስቴትስ በከባድ አውሎ ንፋስ ስጋት ውስጥ የምትገኝ ሲሆን፥ ከጥቂት ሰዓታት በኋላ ሰሜን ካሮላይና ግዛት እንደሚደርስ እየተነገረ ይገኛል።

ይህ ፍሎረንስ በመባል የሚጠራው አውሎ ንፋስ በሰዓት 150 ኪሎ ሜትር እየተጓዘ መሆኑ ተነግሯል።

የግዛቱ ባለስልጣናት ከኃይል መቆራረጥ በተጨማሪ የሰው ህይወት ሊጠፋ እንደሚችል ነው ያስጠነቀቁት።

የፍሎረንስ የመጀመሪያ ተጠቂ ሰሜን ካሮላይና እንደምትሆን የሚጠበቅ ሲሆን፥ ከወዲሁ በከባድ ውሽንፍርና ጎርፍ ተጠቅታለች።

የሀገሪቱ የአየር ንብረት ትንበያ ኃላፊ ሰሜን ካሮላይና በስምንት ወራት የምታገኘውን ዝናብ በሁለትና ሦስት ቀናት ውስጥ እንደሚያጋጥማትም ገልጸዋል።

በሚሊየን የሚቆጠሩ የካሮላይና እና የቨርጂኒያ ነዋሪዎች አካባቢያቸውን ለቀው እንዲወጡ ማሳሰቢያ ተላልፎላቸዋል።

ከ12 ሺህ በላይ የሚልቁ ሰዎችም መጠለያዎች ውስጥ መግባታቸውም ተነግሯል።

የግዛቱ ባለስልጣናት ከኃይል መቆራረጥ በተጨማሪ የሰው ህይወት ሊጠፋ እንደሚችል አሳስበዋል።

 

 

ምንጭ፦ቢቢሲ

You might also like
Comments
Loading...