Fana: At a Speed of Life!

አሜሪካ በቻይና ላይ ወታደራዊ ማዕቀብ ጣለች

አዲስ አበባ፣ መስከረም 11፣ 2011 (ኤፍ.ቢ.ሲ) ቻይና ከሩሲያ የጦር ጀቶችና ሚሳኤሎችን  በመግዛቷ አሜሪካ ወታደራዊ ማዕቀብ እንደጣለችባት ተገለፀ።

ሩሲያ በዩክሬን ላይ በወሰደችው እርምጃና በአሜሪካ ፓለቲካ በምታደርገው ጣልቃ ገብነት ምክንያት በአሜሪካ ማዕቀብ እንደተጣለባት ይታወቃል።

ቻይና በቅርቡ 10 ሩሲያ ሰራሽ ሱኮሂ ሱ 35 ተዋጊ ጀቶችና ኤስ 400 ሚሳኤሎችን መግዛቷ ተነግሯል።

ቤጅንግ ከፈረንጆቹ 2014 ጀምሮ በአሜሪካና ምዕራባውያን  በሩሲያ ላይ የተጣለውን ማዕቀብ በመተላለፍ ግንኙነቷን አጠናክራ  መቆየቷ ተነግሯል።

የቻይና ጦር በዚህ ወር መጀመሪያ  በሩሲያ በተካሄደው ወታደራዊ ልምምድ  መሳተፉ የሚታወስ ነው።

ሞስኮ  የየኩሬን ግዛት የነበረችውን ክሪሜአን ወደ ግዛቷ መቀላቀሏን ተከትሎ የአሜሪካና ሩሲያ ግንኙነት በከፍተኛ ሁኔታ መቀዛቀዙ ተገልጿል።

ከዚህ ባለፈ ሩሲያ በ2016 በተካሄደው የአሜሪካ ፕሬዚዳንታዊ ምርጫ ጣልቃ በመግባትና በሶሪያ የእርስ በእርስ ጦርነት ባላት ተሳትፎ ምክንያት በሀገራቱ መካከል ያለውን ግንኙነት በውጥረት የተሞላ አድርጎታል።

ምንጭ፥ቢቢሲ

You might also like
Comments
Loading...