Fana: At a Speed of Life!

አሜሪካ ለሮሂንጊያ ሙስሊሞች 185 ሚሊየን ዶላር ድጋፍ አደረገች

አዲስ አበባ፣ መስከረም 15፣2010 (ኤፍ.ቢ.ሲ) የአሜሪካ መንግስት በማይናማር ጥቃት ደርሶባቸው በመጠላያ ካምፖች ለሚገኙ የሮሂንጊያ ሙስሊሞች የ185 ሚሊየን ዶላር ድጋፍ ማድረጉን አስታወቀ።

በተባበሩት መንግስታት ድርጅት የአሜሪካ ተጠሪ አምባሳደር ኒኪ ሃሌይ ከቱርክ ውጭ ጉዳይ ሚኒስትር ጋር በተወያየበት ወቅት ነው ድጋፉ እንደተደረገ ያስታወቁት።

አምባሳደሯ ድጋፉ በባንግላዲሽ የስደተኞች ካምፕ ለሚገኙ የሮሂንጊያ ሙስሊሞች የምግብ፣ ንፁህ የመጠጥ ውሃ፣ ፅዳት፣ የጤና እና ለሌሎች ድጋፎችና አገልግሎት  የሚውል ነው ተብሏል።

ለሮሂንጊያ ሙስሊሞች አሁንም ድጋፍ እንደሚያስፈልጋቸው የተናገሩት አምባሳደር ኒኪ ሀሌይ ሌሎች ሀገራትም ድጋፍ ማድረግ እንደሚገባቸው አሳስበዋል።

በአካባቢው ግጭት ከተፈጠረበት ከነሃሴ 2017 ጀምሮ አሜሪካ  የ389 ሚሊየን ዶላር ድጋፍ ማድረጓ ተገለጿል።

በግጭቱ እስከ አሁን ድረስ 24 ሺህ የሮሂንጊያ ሙስሊሞች በማይናማር መንግስት ወታደሮች እንደተገደሉ ነው የተለያዩ አለም አቀፍ ተቋማት ያስታወቁት።

ምንጭ፥ አናዶሉ

You might also like
Comments
Loading...