Fana: At a Speed of Life!

በአዲስ አበባ በሰንደቅ አላማ ምክንያት የተፈጠረው ችግር መፈጠር ያልነበረበት እና መቆም ያለበት ነው – የአሮሚያ ክልል ርዕሰ መስተዳድር አቶ ለማ መገርሳ

አዲስ አበባ፣ መስከረም 4፣ 2011 (ኤፍ.ቢ.ሲ) የአሮሚያ ክልል ርዕሰ መስተዳድር አቶ ለማ መገርሳ በአዲስ አበባ በሰንደቅ አላማ ምክንያት የተፈጠረው ችግር መፈጠር ያልነበረበት እና መቆም ያለበት ነው ብለዋል፡፡

ርዕሰ መስተዳድሩ መጋጨት በሌለብን ጥቃቅን ጉዳዮች ሊያጋጩን የሚፈልጉ አካላት በመኖራቸው ህብረተሰቡ ጥንቃቄ እንዲያደርግም አሳስበዋል፡፡

የትኛውም አካል ሃሳቡን በነጻነት እንዲገልጽ የዲሞክራሲ ምህዳሩን ለማስፋት መንግስት እየሰራ እንደሚገኝ እና ይህንንም ተከትሎ በውጭ የሚገኙ የፖለቲካ ድርጅቶች ወደ ሀገር ቤት በመግባት ላይ እንደሚገኙ አስታውሰዋል፡፡

በመሆኑም ወደ ሀገርቤት የሚመለሱ የፖለቲካ ድርጅቶቹን በምንቀበልበት ወቅት ያልተገባ ፉክክርና ግጭት ውስጥ መግባት የለብንም ሲሉ ጥሪ አቅርበዋል፡፡

ህብረተሰቡ የፈቀደውን ይህ ይሻለኛል ብሎ የወሰነውን ሰንደቅ አላማ መጠቀመም እንደሚችል ጠቅሰው የትኛውም አካል ግን በሌላው ላይ የራሱን ሃሳብም ይሁን አርማ የሚጭንበት ወቅት ላይ አይደለንም ብለዋል፡፡

አቶ ለማ ከስሜት ውስጥም በመውጣት የሀገራችንን አንድነት እና እድገት ለማስቀጠል በመቻቻል ልንረባረብ ይገባል ሲሉ አሳስበዋል፡፡

You might also like
Comments
Loading...