Fana: At a Speed of Life!

ሞሪኒሆ በስፔን ፈጸሙት በተባለ የግብር ማጭበርበር ቅጣት ተላለፈባቸው

አዲስ አበባ፣ 30 ነሃሴ፣ 2010 (ኤፍ.ቢ.ሲ) ስፔን የማንቸስተር ዩናይትድ አሰልጣኝ የሆኑትን ጆዜ ሞሪኒሆን በግብር ስወራ ጥፋተኛ ሆነው በመገኘታቸው በአንድ ዓመት እንዲቀጡ ወሰነች፡፡

ሞሪኒሆ ቅጣቱ የተላለፈባቸው ሪያል ማድሪድን በሚያሰለጥኑበት ወቅት የግብር ስወራ ፈጸመዋል በሚል ነው ተብሏል፡፡

አልጀዚራ ኤልሞንዶን ጠቅሶ እንደዘገበው ከሆነ ሞሪኒሆም በዚህ ጉዳይ ላይ መስማማታቸውም ተገልጿል፡፡

የሀገሪቱ አቃቤ ህግ በሞሪኒሆ ላይ በሁለት የግብር ማጭበርበሮች ምክንያት ባለፈው ዓመት ነበር ክሱን የጀመረው፡፡

የስፔን ህግ እንደሚለው ከሆነ የተላለፈው ቅጣት ከሁለት ዓመት በታች ከሆነ በአመክሮ የቅጣቱን ዓይነት እንደሚቀየር ተግልጿል፡፡

የሀገሪቱ የገቢ ግብር ባለስልጣን ሞሪኒሆን በ3 ነጥብ 8 ሚሊየን ዶላር የግብር ስወራ ነው የጠየቃቸው፡፡

ሞሪኒሆ ከዚህ ቀደም በአውሮፓውያኑ 2014 የ1 ነጥብ 3 ሚሊየን ቅጣት ተላልፎባቸው የነበረ ሲሆን ባለስልጣኑ የቀደመውን ውሳኔ እክል ስላገኘበት ነው በድጋሚ ምርመራ አካሂዶ እንደ አዲስ ቅጣቱን ያሰድተላለፈባቸው፡፡

በተመሳሳይ በሰኔ ወር ላይ የአሁኑ የጁቬንትስ ክለብ ተጫዋች ክሪስትያኖ ሮናልዶ መቀጣቱ የሚታወስ ነው፡፡

በዚህም ሪያል ማድሪድ በነበረበት ወቅት የግብር ስወራ በመፈጸሙ የ3 ነጥብ 7 ሚሊየን ዶላር ቅጣት ተላልፎበታል፡፡

 

ምንጭ፦አልጀዚራ

You might also like
Comments
Loading...