Fana: At a Speed of Life!

22ሺህ የካራላ ዜጎች ለጎርፍ አደጋ ስጋት ተጋልጠዋል

አዲስ አበባ፣ ነሃሴ 14፣ 2010 (ኤፍ.ቢ.ሲ) በህንድ ካላራ ግዛት 22ሺህ ዜጎች ከፍተኛ ዝናብ ላስከተለው የጎረፍ አደጋ መጋለጣቸው ተገልጿል።

ባሳለፍነው እሁድ በአካባቢው የጣለው ከፈተኛ ዝናብ ባስከተለው ጎርፍ 22ሺህ ያህል ዜጎች ለአደጋ መጋለጣቸውን የሀገሪቱ ከፍተኛ ባላስልጣናት ገልጸዋል።

የአደጋው ተጎጂወችን ለመታደግ የሃገሪቱ መከላከያ፣ የአደጋ ጊዜ ሰራተኞችና አሳ አጥማጆች ጉዳቱ በደረሰባቸው የተወሰኑ አካባቢዎች መድረሳቸው ታውቋል።

በአደጋ ስጋት ቀጠናዎች አካባቢ ለሚገኙ ዜጎች በሄሊኮፕተር መሰረታዊ ፍላጎት ማሙያ ቁሳቁሶች አየቀረቡ መሆኑ ነው የተገለጸው።

ይሁን እንጂ የጎርፍ አደጋው በተከሰተባቸው አካባቢ የሚገኙ ተጎጂዎች አሁንም የእርዳታ ጥሪ እያሰሙ ሲሆን ተጨማሪ እርዳታ የሚያሰፈልግ መሆኑን ዘገባው አመላክቷል።

የህንዱ ጠቅላይ ሚኒስትር ናሬንድራ ሞዲ ባሳለፍነው ቅዳሜ በአካባቢው ጉብኝት ካደረጉ በኋላ የ71 ሚሊየን አሜሪካን ዶላር የአስቸኳይ ጊዜ እርዳታ ለማቅረብ ቃል መግባታቸውን ዘገባው አስታውሷል።

ካሳለፍነው የፈረንጆቹ ሰኔ ወር ጀምሮ በአካቢው እየጣለ ባለው ከባድ ዝናብ ምክንያት እስካሁን ድረስ 350 ያህል ሰዎች መሞታቸው የተገለጸ ሲሆን፥ ከሟቾቹ መካከል አብዛኛዎቹ በመሬት መንሸራተት ተቀብረው የሞቱ መሆናቸው ተገልጿል።

በጎርፍ አደጋው የተፈናቀሉ 725 ሺህ ዜጎች ወደ ተለያዩ የማቆያ ጣቢያዎች መወሰዳቸውም ተገልጿል።

የሀገሪቱ የአደጋ መከላከል ቡደን በማቆያ ጣቢየዎች የውሃና አየር ወለድ በሽታዎችን እንዳይከሰቱ ቅድመ ዝግጅት እያደረገ መሆኑን ዘገባው ያስረዳል።

ምንጭ፦ bbc.com

You might also like
Comments
Loading...