Fana: At a Speed of Life!

የጠፋው ‘‘ኮንታክት ሌንስ’’ በ28 ዓመቱ የግለሰቧ አይን ውስጥ ተገኘ

አዲስ አበባ፣ ነሃሴ11 ፣ 2010 (ኤፍ.ቢ.ሲ) የጠፋው ‘‘ኮንታክት ሌንስ’’ በ28 ዓመቱ የግለሰቧ አይን ውስጥ ተገኝቷል።

በብሪታኒያ የሃኪሞች ቡድን በአንድ ግለሰብ ላይ በተደረገ የአይን ቀዶ ህክምና ለ28 ዓመት ያህል በአይን ውስጥ ተደብቆ የቆየን ‘‘ኮንታክት ሌንስ’’ ለማውጣት መቻሉ ተገልጿል።

ላለፉት ስደስት ወራት በዓይን ህመም ሲሰቃዩ የቆዩ የ42 ዓመቷ ወይዘሮ የግራ አይናቸው ላይ እጢ እንደወጣባቸው በማሰብ ወደ ሆስፒታል ማቅናታቸው ተመላክቷል።

ወይዘሮዋ የቀዶ ህክምና በተደረገላቸው ወቅት ግን የሀኪሞቹ ቡድን ከሴትዮዋ የግራ አይን ውስጥ ስጋ የለበሰ ‘‘ኮንታክት ሌንስ’’ ማግኜቱ ነው የተገለጸው።

ቀዶ ህክምናው የተደረገላቸው ሴት ግን ካለፉት ሁለት አስርት አመታት ወዲህ ምንም አይነት ‘‘ኮንታክት ሌንስ’’ ተጠቅመው የማያውቁ መሆኑን ተናግረዋል ተብሏል።

ይሁን አንጂ የዛሬ 28 ገደማ በልጅነታቸው ‘‘ኮንታክት ሌንስ’’ ይጠቀሙ የነበረና የህመም ስሜት ይሰማቸው የነበረ መሆኑን ነው ዘገባው የሚያመላክተው።

በዚህም ሴትዮዋ ጠፍቷል ብለው ያሰቡት ኮንታክት ሌንስ የግራ አይናቸው ውሰጥ ስጋ ለብሶ በመቆየት ለዚህ ጉዳት ሊዳርጋቸው እንደቻለ ነው ዘገባው የሚያስረዳው።

ምንጭ፦ upi.com

You might also like
Comments
Loading...