Fana: At a Speed of Life!

የኤርትራው የውጭ ጉዳይ ሚኒስትር በሩሲያ ጉብኝት እያደረጉ ነው

ዑስማን ሳልህ በሩሲያ ጉብኝት እያደረጉ ነው

አዲስ አበባ ፣ ነሐሴ 25 ፣ 2010 (ኤፍ ቢ ሲ) የኤርትራው የውጭ ጉዳይ ሚኒስትር ዑስማን ሳልህ በሩሲያ ይፋዊ የስራ ጉብኝት እያደረጉ ነው።

በውጭ ጉዳይ ሚኒስትር እና በፕሬዚዳንት ኢሳያስ አፈወርቂ አማካሪ አቶ የማነ ገብረዓብ የተመራ የኤርትራ ልዑክ ዛሬ ሩሲያ ገብቷል።

የውጭ ጉዳይ ሚኒስትር ዑስማን ሳልህ ከሩሲያው አቻቸው ሰርጌ ላቭሮቭ ጋር በሶቺ ከተማ በሁለትዮሽና በተለያዩ ጉዳዮች ላይ መወያየታቸውን የኤርትራው የማስታወቂያ ሚኒስትር አቶ የማነ ገብረመስቀል በትዊተር ገጻቸው አስፍረዋል።

የኤርትራ ልዑክ አባላትም የሁለቱ ሃገራት የትብብር ግንኙነት ከፍ ያለ ጠቀሜታ እንዳለው በዚህ ወቅት ገልጸዋል።

የሩሲያው የውጭ ጉዳይ ሚኒስትር ሰርጌ ላቭሮቭ በበኩላቸው ሞስኮ ኤርትራ ከኢትዮጵያ ጋር ሰላም በማውረዷ ደስተኛ መሆኗን ተናግረዋል።

ሩሲያ ሁለቱ ሃገራት ለደረሱት ስምምነት ብሎም በቀጠናው ለሚኖረው አወንታዊ ልማት ድጋፏን ታደርጋለችም ብለዋል።

ሚኒስትሩ አያይዘውም ጅማሮ ላይ ያለው የሩሲያ እና ኤርትራ ግንኙነት ወደ ላቀ ደረጃ ለመሸጋገር ዝግጁ መሆኑንም ተናግረዋል።

ሚኒስትሩ በንግግራቸው ሩሲያ ከኤርትራ ጋር የንግድ እና ኢንቨስትመንት ግንኙነቷን ለማስፋፋት ዝግጁ መሆኑንም አንስተዋል።

የኤርትራው የውጭ ጉዳይ ሚኒስትር ዑስማን ሳልህ፥ የሃገራቱን ግንኙነት ለማደስና በአለም አቀፉ የዲፕሎማሲው መስክ ለሃገራቸው ለሰሩት ስራም የሜዳይ ሽልማት አበርክተውላቸዋል።

 

You might also like
Comments
Loading...