Fana: At a Speed of Life!

የሰው ልጅ ልክ እንደ አሳ በውሃ ውስጥ መኖር የሚያስችለው ግኝት

አዲስ አበባ፣ ነሃሴ 11፣ 2010 (ኤፍ.ቢ.ሲ) በውሃ ውስጥ እንደ አሳ የመኖር ፍላጎት አድሮቦት ያውቃል? ተመራማሪዎች ይህንን በሚመለከት አዲስ ግኝት አለን ይላሉ፡፡

ይህ ግኝት በሦስት ማዕዘን ማተሚያ በመታገዝ የሰው ልጆች ውሃ ውስጥ መኖር የሚያስችላቸው ፈጠራ ነው ብለዋል፡፡

ተመራማሪዎቹ እዚህ ግኝት ላይ የደረሱት ከአሳ ስንጥብ ወይንም ጊልስን መነሻ አድርገው መሆኑን ገልጸዋል፡፡

በተጨማሪም ወደፊት የሰው ልጆች የባህር ጠለል ከፍታ እየጨመረ ከመምጣት ጋር ተያይዞ እንዲሁም የሙቀት መጨመር እና ሌሎች አካባቢያዊ ችግሮችን ሊከላከሉ ያስችላቸዋል በማለት ተስፋ ሰንቀዋል፡፡

አዲሱ ስንጥብ በውሃ ውስጥ ኦክስጅን ማግኘት የሚችል ሲሆን በተመሳሳይ ካርቦንዳ ኦክሳይድን  ወደ ውሃው ይለቃል፡፡

በዚህም ምክንያት የሰው ልጆች ልክ ውሃ ውስጥ እንደሚኖሩ እንስሳ ወይንም “አምፊቢያንሶች” መኖር ያስችለዋል ይላሉ፡፡
የስንጥቡን ዲዛይን የሰራው ሮያል ኮሌጁ ጃን ካሜይ በውሃ አካባቢ አብዛኛውን ጌዜያቸውን ለሚያሳልፉ ሰዎች እጅግ ጠቃሚ ነገር ነው ብሏል፡፡

ይህ አዲስ የመጣው ቴክኖሎጂ እንደ እንደቀደምቶቹ ኦክስጅንን እና ሌሎች መሳሪያዎችን ከመሸከም ይገላግላል፡፡

ጃን ካሜይ በቅርቡም ወደ ጥልቁ የውሃ ክፍል ገብቶ ልክ እንደሌሎቹ መሳሪያዎች የምርምር ዘርፉን እንደሚያግዝ ተናግሮዋል፡፡

 

 

ምንጭ፦ሜይል

በአብርሃም ፈቀደ

You might also like
Comments
Loading...