Fana: At a Speed of Life!

ዓለም አቀፉ ቀይ መስቀልና የኢትዮጵያ ቀይ መስቀል ማህበር ከምእራብ ጉጂና ከጌዲኦ ዞን ለተፈናቀሉ ወገኖች ድጋፍ ማድረግ ጀመሩ

ድጋፍ ከምእራብ ጉጂና ከጌዲኦ ዞን ለተፈናቀሉ ወገኖች

አዲስ አበባ፣ ነሃሴ 3፣ 2010 (ኤፍ.ቢ.ሲ) ዓለም አቀፉ የቀይ መስቀል ኮሚቴ እና የኢትዮጵያ ቀይ መስቀል ከምእራብ ጉጂና ከጌዲኦ ዞን ለተፈናቀሉ ወገኖች ድጋፍ ማድረግ መጀመራቸው ተገለፀ።

ዓለም አቀፉ የቀይ መስቀል ኮሚቴ እና የኢትዮጵያ ቀይ መስቀል በግጭት ምክንያት ከኦሮሚያ ክልል ምእራብ ጉጂ እና ከደቡብ ክልል ጌዲኦን ለተፈናቀሉ ዜጎች ነው ድጋፉን ማድረግ የጀመሩት።

ለተፈናቃዮቹ እየተደረገ ያለው ድጋፍ በግጭት ምክንያት የተፈናቀሉ 10 ሺህ ቤተሰቦች እና ከ66 በላይ ግለሰቦችን ተጠቃሚ እንደሚያደርግም ተገምቷል።

ባሳለፍነው ሳምንትም ከመኖሪያቸው ተፈናቅለው በጌዲኦ ዞን ቆጨሬ አካባቢ ለሚገኙ 3 ሺህ 300 ቤተሰቦች ድጋፍ መደረጉንም የዓለም አቀፉ የቀይ መስቀል ኮሚቴ አስታውቋል።

ለተፈናቃዮቹ የፕላስቲክ መጠለያ፣ ፍራሽ፣ ብርድ ልብስ፣ የውሃ መያዣ ጀሪካን፣ የምግብ ማብሰያዎች እና የንጽህና ሳሙናን ጨምሮ የተለያዩ ቁሳቁሶች ድጋፍ ተከፋፍለዋል።

የዓለም አቀፉ የቀይ መስቀል ኮሚቴ የኢኮኖሚክ ደህንነት ልኡክ ጂያን ፐይር፥ በአዋሳኝ ቦታዎች ላይ በተፈጠረ ግጭት ምክንያት ለተፈናቀሉ ሰዎች የሚደረገው ድጋፍ ቀጣይነት ያለው መሆኑን ገልፀዋል።

በአሁኑ ወቅት በአካባቢው እየተደረገ ያለው ድጋፍም በግጭቱ የተፈናቀሉ ዜጎችን በሙሉ ተጠቃሚ እስከሚያደርግ ይቀጥላልም ብለዋል።

ምንጭ፦  www.icrc.org

You might also like
Comments
Loading...