Fana: At a Speed of Life!

ኦህዴድ መጠሪያውን ወደ “የኦሮሞ ዴሞክራሲያዊ ፓርቲ” ለመቀየር ሀሳብ መቅረቡ ተገለፀ

ኦህዴድ መጠሪያውን ሊቀይር ነው

አዲስ አበባ፣ ነሃሴ 1፣ 2010 (ኤፍ.ቢ.ሲ) የኦሮሞ ህዝብ ዴሞክራሲያዊ ድርጅት /ኦህዴድ/ መጠሪያውን ወደ “የኦሮሞ ዴሞክራሲያዊ ፓርቲ” ለመቀየር ሀሳብ መቅረቡ ተገለፀ።

የኦህዴድ የገጠር ፖለቲካና አደረጃጀት ዘርፍ ሀላፊ አቶ አዲሱ አረጋ እንደገለጹት፥ አህዴድ የስያሜ እና የአርማ ለውጥ ለማድረግ ሀሳብ ቀርቧል።

በዚህም መሰረት አዲሱ የኦሮሞ ህዝብ ዴሞክራሲያዊ ድርጅት /ኦህዴድ/ መጠሪያ “የኦሮሞ ዴሞክራሲያዊ ፓርቲ” እንዲሆን ሀሳብ መቅረቡን ነው አቶ አዲሱ ያስታወቁት።

ከዚህ በተጨማሪም ኦህዴድ ከዚህ ቀደም ሲጠቀምበት የነበረውን አርማም ለመቀየር ሀሳብ መቅረቡን ያነሱት አቶ አዲሱ፥ ለዚህም ሶስት አርማዎች በአማራጭነት መቅረባቸውን አስታውቀዋል።

አቶ አዲሱ አረጋ ባሳለፍነው አርብ፥ ኦህዴድ በያዝነው የነሃሴ ወር ድርጅታዊ ጉባዔውን እንደሚያካሂድ መጠቆማቸው ይታወሳል።

በጉባዔውም ኦህዴድ የደረሰበትን የትግል ምዕራፍ ከግንዛቤ በማስገባት የስያሜ፣ የዓርማ እና ድርጅታዊ መዝሙሩን በአዲስ ሊቀይር እንደሚችል ጠቁመዋል።

You might also like
Comments
Loading...