Fana: At a Speed of Life!

የተባበሩት አረብ ኤሚሬቶች የሳዑዲን ንጉስ ለመሰለል  የእስራኤልን የስለላ ሶፍትዌር መጠቀሟ እየተነገረ ነው

አዲስ አበባ፣ ነሃሴ 25፣ 2010 (ኤፍ.ቢ.ሲ) የተባበሩት አረብ ኤሚሬቶች የእስራኤልን የስለላ ሶፍትዌር በመጠቀም የሳዑዲ አረቢያን ንጉስና የኳታርን ኢምር ስትሰልል እንደቆየች ተነገረ።

ሀገሪቱ የሳዑዲ ንጉስና የኳታር ኢምር እንዲሁም በቀጠናው ያሉ ተቀናቃኟቿን  ስልክ ለመጥለፍ  ለአንድ የእስራኤል የስለላ ሶፍትዌር አበልፃጊ ጥያቄ ማቅረቧን የሚያሳይ መልዕክት ኒው ዮርክ ታይምስ ይፋ አድርጓል።

ከዚህ ጋር ተያይዞ በህገ ወጥ መንገድ የስለላ ሶፍትዌር  በማቅረብ ተሳትፏል ተብሎ ክስ የተመሰረተበት ኤን ኤስ ኦ  የተባለ ተቋም   በጉዳዩ መሳተፉን የሚየሳይ መረጃ አፈትልኮ እንደወጣ ተነግሯል።

አፈትልኮ የወጣው የኢሜል መልዕክት የተባበሩት አረብ ኤሚሬቶች  የመከታተያ ሶፍትዌሮች  ለመጠቀም የሚያስችላትን ስምምነት በፈረንጆቹ 2013 እንደተፈራረመች ያሳያል ተብሏል።

ሁለቱ ክሶች በኳታራዊ ዜጋ፣ በሜክሲኮያዊ ጋዜጠኛ እንዲሁም በኩባንያው ምርት በሆኑ የስለላ ሶፍትዌሮች ኢላማ የተደረገ ግለሰብ  በእስራኤልና በቆጵሮስ ክሱን እንደመሰረቱ ነው የታወቀው።

 

ምንጭ፦ አልጀዚራ

You might also like
Comments
Loading...