Fana: At a Speed of Life!

አየር መንገዱ የዛምቢያውን አየር መንገድ በ30 ሚሊየን ዶላር መነሻ ገንዘብ ስራ ለማስጀመር ስምምነት ተፈራረመ  

የኢትዮጵያ አየር መንገድ

አዲስ አበባ ፣ ነሐሴ 14 ፣ 2010 (ኤፍ ቢ ሲ) የኢትዮጵያ አየር መንገድ የተዘጋውን የዛምቢያውን አየር መንገድ በ30 ሚሊየን ዶላር መነሻ ገንዘብ ዳግም ስራ ለማስጀመር ስምምነት ተፈራረመ።

ስምምነቱ በአየር መንገዱና በዛምቢያ ልማት ኤጄንሲ አማካኝነት የተፈረመ ሲሆን፥ የኢትዮጵያ አየር መንገድ ለረጅም አመታት ተዘግቶ የቆየውን የዛምቢያ አየር መንገድ ዳግም ስራ እንዲጀምር የሚያስችል ነው ተብሏል።

በስምምነቱ መሰረት የኢትዮጵያ አየር መንገድ የተዘጋውን አየር መንገድ ወደ ስራ በማስገባት በፈረንጆቹ 2028 አስራ ሁለት አውሮፕላኖችን እንዲያስተናግድ ያስችለዋል ነው የተባለው።

የኢትዮጵያ አየር መንገድ ከዛምቢያ አየር መንገድ 45 በመቶውን ድርሻ የሚይዝ ሲሆን፥ ቀሪው ደግሞ የዛምቢያ አየር መንገድ ድርሻ ይሆናል።

በመንግስት የሚተዳደረው የዛምቢያ አየር መንገድ በፈረንጆቹ 1994 አገልግሎት ማቋረጡ ይታወሳል።

የኢትዮጵያ አየር መንገድ ከተለያዩ የአፍሪካ ሃገራት አየር መንገዶች ድርሻ በመግዛት በአህጉሪቱ ያለውን ተቀባይነት እያሰፋ ይገኛል።

ከዚህ ቀደም በፈረንጆቹ 2013 የማላዊ አየር መንገድን ለማስተዳደር የሚያስችለውን ስምምነት መፈጸሙ የሚታወስ ነው።

ከዚህ ባለፈም ከተለያዩ ሃገራት ጋር መሰል ስምምነቶችን ለመፈጸም ድርድር ላይ መሆኑንም ሲገልጽ ቆይቷል።

 

 

ምንጭ፦ ሬውተርስ

You might also like
Comments
Loading...