Fana: At a Speed of Life!

አሜሪካ ከዓለም አቀፉ የንግድ ድርጅት ልትወጣ እንደምትችል ትራምፕ አስጠነቀቁ

አዲስ አበባ፣ ነሃሴ 25፣ 2010 (ኤፍ.ቢ.ሲ) አሜሪካ ከዓለም አቀፉ የንግድ ድርጅት ልትወጣ እንደምትችል ትራምፕ አስጠነቀቁ።

ዓለም  አቀፉ የንግድ ድርጅት አሜሪካን በአግባቡ የማያስተናግድ ከሆነ ሀገሪቱ ከድርጅቱ እንደምትወጣ  ፕሬዚዳንት ዶናልድ ትራምፕ  ለመገናኛ ብዙሃን መግለጻቸው  ነው የተገለጸው።

ዓለም አቀፉ የንግድ ድርጅት የተቋቋመው  በዓለም አቀፍ ደረጃ በዘርፉ  ወጥ የሆነ አሰራር እንዲሰፍን ለማድረግና  በሃገራት መካከል የሚከሰቱ ቅራኔዎችን  ለመፍታት መሆኑን ዘገባው አስታውሷል።

በዚህም ቀደም ሲል አሜሪካ በዚሁ አሰራር  የምትስማማና አብራ ስትሰራ የቆየች ቢሆንም አሁን ላይ ግን ድርጀቱ አሜሪካ ላይ ጫና እያሳደረ መሆኑን ነው ትራም የተናገሩት።

ፕሬዚዳንት ትራምፕ ለብሉም በርግ  በሰጡት ቃለ ምልልስ  ድርጀቱ  የአሜሪካን   ፍላጎት ታሳቢ የማያደርግ ከሆነ አሜሪካ ከድርጀቱ እራሷን የምታገል መሆኑን መናገራቸውንም ነው ዘገባው የሚያስረዳው።

ትራምፕ   አሁን ላይ  እያራመዱት ባለው የንግድ ፖሊሲና   የነፃ ንግድ እንቅስቃሴ ላይ ድርጅቱ እያደረገ ያለውን ክትትል ተትሎ አሜሪካ ከድርጅቱ እራሷን ልታገል እንደምትችል ነው ዘገባው የሚያስረዳው።

ምንጭ፦ bbc.com

 

 

 

You might also like
Comments
Loading...